食避孕藥無M黎

我本身都無咩M, 3月開始食避孕藥3,4,5月都有M,6月就無M,驗過無BB,28號準備睇醫生.
食避孕藥係咪會無M黎?

食yaz

Hello​:otter:想了解翻你第一次服食避孕藥嘅時候,有冇諮詢過醫生嘅意見?因為避孕藥入面嘅成份唔係每個人嘅體質都承受到。當身體有慢性疾病,例如係心臟病,糖尿病,腎方面有問題等等嘅時候係唔適合服食。所以,如果第一次服食但係冇諮詢過醫生嘅話,最好搵醫生做個詳細檢查,評估你嘅體質,生活習慣睇Yaz避孕藥啱唔啱你,或者有冇邊種避孕藥係適合你服用。

Yaz避孕藥係需要每日服用而且每一日服用嘅時段都要相同,例如第一日服用嘅時間係夜晚9:30,咁之後服用嘅時間都係夜晚9:30服用。而入面有28粒避孕丸,代表着每日要食嘅避孕藥。頭24日會服用粉紅色藥丸,而最後嘅四日就會服用白色嘅藥丸。當中粉紅色嘅藥丸裏面有低劑量嘅荷爾蒙成份,而白色藥丸係不含荷爾蒙成份,目的係令到體內嘅位置子宮內膜厚度嘅荷爾蒙回復返正常水平,令子宮內膜脫落,從而出現月經。呢種月經會被稱為藥性出血。加上Yaz避孕藥係一種極低劑量嘅荷爾蒙避孕藥。係有機會造成經血量減少或者冇經血嘅情況出現。呢個情況係唔會對身體造成任何負擔。所以唔需要太過擔心。但係睇到你嘅情況,一直有服用,今個月仲未出現月經,加上你今個月有服用到白色藥丸,月經仲未出現你又擔心嘅話,建議最好去諮詢下醫生嘅意見睇吓應唔應該繼續服用Yaz嘅避孕藥:two_hearts::otter:

至於懷孕風險方面,如果你呢幾個月都有準時食藥,冇漏食,今個月亦冇發生嘔吐或者嚴重腹瀉嘅情況,避孕藥會建立到穩定嘅避孕功效,懷孕風險係好低嘅。

希望可以解答到你嘅問題啦:otter::two_hearts:

(Intern同學 Dorothy Cheung)

我無問醫生呀

上個月係日日有食,不過有幾日唔係定時食。

本身已經小月經,而家直頭無:woman_facepalming:t2: