單一避孕藥副作用

本人在4月開始服食單一處方避孕藥(Zelleta) 現在己服食了第三排,這三個月一直都有月經,想諮詢下以下情況
1)月經 - 但比較少量和經血顏色是黑啡色!有時有少少鮮紅色!
2)脱髮情況嚴重!想知詢吓是否會長期都會脫髮呢?是否初次開始才有這現象!

Hello
首先想了解返你食呢款避孕藥之前有冇諮詢過醫生意見呀? :face_with_monocle:

雖然避孕藥好容易自己喺市面買到,不過每款避孕藥都有唔同嘅人造荷爾蒙成份同劑量,而且並唔係每個人嘅身體情況都適合食,例如有肝臟、心臟、腎臟、免疫功能或血壓問題嘅人就未必可以食。所以我哋會建議,食藥之前睇下醫生(即使之前有食過,如果中間停過藥,都要再去睇返醫生評估身體),等醫生檢查下你嘅身體狀況,睇下係咪適合同埋適合邊一款避孕藥嘅。如果有需要,可以去家計會診所/母嬰健康院/部分私家診所預約睇醫生呀。 :woman_health_worker:t2: :man_health_worker:t2:

Zelleta屬於單一荷爾蒙避孕藥,當中只有黃體酮而冇雌激素。服用人造荷爾蒙嘅時候,身體就唔會分泌荷爾蒙。因此避孕藥可以抑制排卵、增加子宮頸分泌物粘稠度、同埋改變子宮內膜環境,從而達致避孕嘅功效。而服用單一荷爾蒙避孕藥嘅其中一啲副作用係月經唔穩定、月經量減少甚至冇月經,經血質地亦會有改變。呢啲變化對身體係冇乜大影響嘅,唔需要擔心。 :blush:

而荷爾蒙水平嘅改變的確有機會導致脫髮。不過都仲有好多其他原因導致脫髮,例如壓力、飲食習慣改變、清潔產品或者習慣改變。
另外有時會建議餵哺母乳嘅人食單一荷爾蒙避孕藥,因為唔會好似混合荷爾蒙避孕藥咁影響到乳汁分泌。都想睇吓你係咪啱啱經歷完生產? :thinking: 有時生完小朋友都會出現脫髮問題,之後會慢慢好轉。

如果脫髮問題好嚴重令你好擔心嘅,不妨都睇下醫生咨詢下意見。 :wink:

回覆你第一問題: 我是在家計會見完醫生後建議服用此藥!

回覆你第二問題: 我沒有生育過!但因為我是42歲年齡還有吸煙,所以在醫生建議下服用!

想再詢問下,是否頭服用三個月會特別明顯副作用呢!是否之後情況好些?

你的回覆

你好呀~首先多謝你的回覆~

理解到你在家計會見過醫生並由醫生建議服用此藥。在經醫生評估後開始服藥,基本上都是安全的,有機會是基於你有吸煙的習慣,所以醫生建議你服用這款避孕藥物。

而關於副作用,每個人對藥物的反應都不一樣,所以會否出現副作用,以及出現的程度亦因人而異。有些人的適應期時間較長,有些人則較短,但副作用一般在開始服藥後而1-6個月內便會消失或減退。

雖然醫生建議你服用這款的藥物,但其實市面上都存在其他品牌的單一荷爾蒙避孕藥,如果你對現時所服用的藥物所帶來的副作用感到反感,又或者副作用已經對你日常生活帶來負面影響,你可以選擇到家計會的診所約見醫生覆診,查詢可否更改服用其他品牌的避孕藥。不是每個人也能一開始便找到最適合自己的避孕藥,按照服藥後的身體狀況去變換藥物牌子亦是常見的情況,最重要是找到你認為適合自己的藥物並。覆診時你亦都可以向醫生反映現時的避孕藥所引起的脫髮問題,讓醫生進一步評估你的身體狀況在作出建議~

(Intern同學 Ken Ngan)

多謝:pray:你回覆,但是家計會處方單一口服避孕藥是否只得這款? 還有本人末開始服藥之前己經由家計會醫生安排做了一次佩戴子宫環手術,但當然末能成功,因為我沒有生育過,所以佩戴子宮環手術過程有難道之後,醫生建議我服用避孕藥單一處方藥物!現在不停脱髮還有乳房腫脹!真的不知道怎樣!

因為我知道單一口服避孕藥要醫生處方!或者你們專業意見可否提供給我… 有那些單一口服避孕藥可供考慮!還是要找婦科私家醫生作安排?

Hello​:smiling_face_with_three_hearts:好欣賞你願意同醫生做諮詢。因為你嘅年齡加上有吸煙習慣,醫生會建議你服用只含單一荷爾蒙嘅避孕藥。藥物選擇方面,通常家計會嘅診所都會備有唔同牌子嘅選擇,雖然實際有邊一款可以揀要視乎供貨嘅穩定性,但一般都會有多於一個牌子可以選擇。因應每個人嘅身體狀況不同,由醫生面診後再作出選擇邊款藥物嘅建議會更安全。我哋係網上面無法為你進行任何嘅檢查,亦無法得知你以往有無任何病歷,所以我哋唔能夠為你提供安全同適合嘅藥物建議。不過 上面提及到最好都搵醫生再作諮詢。避孕藥的確有好多款,有混合嘅,有單一嘅。即使我哋俾咗一啲單一口服避孕藥你考慮都好,始終同醫生問問會好啲。因為每一種嘅避孕藥裏面嘅荷爾蒙劑量對於每個人而言,唔係每一個人都適合:exclamation::exclamation::exclamation:而且,患過病嘅,例如係血栓塞、不明陰道出血、嚴重嘅肝病、腦血管或冠狀動脈疾病、嚴重高血壓,糖尿病等等嘅人係唔可以服用。而你嘅情況,有食煙而由有睇過醫生,醫生有處方俾你其實可以放心。

有關子宮環嘅手術,雖然其實唔一定係有生育經驗嘅人只可以佩戴,但如果嘗試過都未能成功置入,都唔需要強求,可以按醫生嘅建議嘗試單一荷爾蒙嘅藥物。

就如前面所講,乳房腫脹係一個常見服用避孕藥會出現嘅副作用,大部份人係適應期後呢個情況都會慢慢減退或消失。反而係脫髮嘅情況,通常係停藥後因為荷爾蒙水平突然下降,體內亦未適應自行控制返天然嘅荷爾蒙水平而有機會引致短期嘅脫髮。所以你係食藥期間出現脫髮,都係需要留意嘅情況,加上乳房腫脹嘅程度都令你感到困擾,我哋都建議你先安排去家計會覆診。等醫生評估你係咪仍然適合服食避孕藥。如果仍然適合的話,再睇睇家計會診所現時有無其他牌子可以俾你選擇,如果未有提供的話可以再考慮去其他婦科診所求診。而若果唔適合的話,醫生都會為你建議其他可行嘅方案,例如係安全套、避孕針、外用避孕藥物或者結紮手術等等。:two_hearts:

(Intern同學 Dorothy Cheung)

有多一個問題想請教你們,我服藥時間不是每曰同時間,會否對避孕有影響?

Hello
建議避孕藥要每日同一時間服用,一嚟會對身體嘅副作用影響較低,身體可以適應到;二嚟會比較容易建立到穩定嘅避孕功效,同埋準時服藥都可以令你慢慢建立個食藥習慣。 :blush:

Zelleta呢款藥,如果你每一食相差嘅時間比較少,唔超過12個鐘,理論上避孕功效唔會受影響。而如果超過12個鐘嘅話,都建議詢問返醫生需唔需要補食多粒。 :woman_health_worker:t2: :man_health_worker:t2:

你可以考慮設定鬧鐘提醒自己食藥,或者用一啲專門嘅app去提示同記錄食藥情況。 :wink:

多數相差時間一至兩個鐘,沒有試過超過十二小時!謝謝你幫忙!

你好呀~只係相差1-2個小時係唔會影響到藥效嘅~可以放心~

(Intern同學 Ken Ngan )

Thank a lot!