流產後突然流黃色分泌物點算好?🙇🏻‍♀️

事源我開頭末做手術之前約(5月)已經有陰道炎,但係到差唔多臨做手術嘅一個星期又好返 :disappointed_relieved: ,咁我9/6 號就系家計會做完流產手術之後,返到去夜晚已經即刻沖涼,大概隔左2個禮拜左右無端端就發現M巾流一大片黃色液體,有D臭味,不過吾痕… :sweat: ,琴日發現又只有DD流系M巾,直到今日夜晚23/6 又無端端下面有d灼痛,都仲係有少少黃色液體流系M巾,請問如果係咁我可以點算?

Hello~多謝你嘅提問:heart:流產之後出現嘅分泌物好大機會係惡露。惡露係指產後 / 流產後 陰道所排出嘅分泌物,裏面混合咗子宮出血、胎盤碎片、胎膜、蛻膜、子宮同子宮頸嘅分泌物等。當流產手術結束,子宮內部就會啟動復原機制,重新調整返去原本大小嘅同時,亦會開始修復因胎盤剝落而產生嘅傷口,並且將內部剩餘嘅殘存組織排出,等身體盡快返去原先嘅運作軌道上面。

一般嚟講,惡露排出嘅情況會持續大約兩至三個星期,過程中惡露嘅顏色同量會隨住時間而改變,從一開始嘅鮮紅色混雜較多出血,到後來會慢慢過渡至只剩下乳黃色嘅部分分泌物,最後完全結束。惡露排出通常需要三個星期,少數人需四個星期先可以完全排除乾淨,呢段時間除非有發燒、劇烈疼痛等現象,否則唔需要太緊張,惡露會隨住時間自然排出。通常醫生都會開立子宮收縮藥或生化湯等,呢啲都可以幫助子宮收縮、排除惡露,促進修復。

通常惡露同月經一樣都會有正常嘅血腥味,但並唔會有腐臭的嘅情況,如果有異味好有可能係細菌感染所致,甚至會造成發燒反應,應該要趕快睇醫生。而流產後,如果冇得到充分嘅休息,很容易令免疫力下降造成發炎,所以喺照顧傷口嘅時候要記得隨時更換吸收惡露的衛生棉,並且喺每次排便之後,建議使用溫開水或消毒水由前往後沖洗會陰部,減少細菌感染嘅機會。因為你流產之前曾經患上陰道炎,所以如果冇妥善處理傷口,好大機會會令陰道炎復發,令你陰部有灼痛嘅感覺。如果唔放心嘅話,可以提早覆診/覆診嘅時候再請醫生幫你確認。

好,多謝你嘅回覆:pray:咁我到時候複診嗰時再問返醫生睇吓個情況先:bowing_woman:t2: