遲咗14日先嚟M 去唔去check下好

我之前嚟M日子好準時,好少會推遲。
我平時都有喺手機app度記錄低幾時開始同幾時完。
咁係5/7-5/12就係我月經週期,但5/12同伴侶無套內射左。個app顯示我係6/10-6/16會嚟,但遲遲都未嚟,我就買驗孕棒嚟check,check左兩次都係一條線。
直到今日6/23我終於嚟m,但我唔知洗唔洗出去睇醫生check多次,買個安心。🥹:bowing_woman:t2:

Hello 好多謝你嘅提問

首先,見到你話你係係12/5無套內射咗啦,其實個日係第一個安全期嚟嘅,即係由月經第1日-第6日。咁使用安全期嚟都有76-88%嘅成效嘅。不過其實88%都唔係一個高嘅percentage,而且一般情況下我哋都唔建議使用安全期作為性行為嘅安全措施,因為月經周期住好多因素影響,排卵日亦唔係每個月一樣,所以所謂嘅安全期同危險期都係一個較為科學嘅數字。

另外,見到你話遲嚟M所以買咗驗孕棒check,而驗孕嘅日子都係係發生性行為嘅11日後,咁會有比較準確嘅驗孕結果。唔知你驗個兩次有無用到唔同牌子嘅驗孕棒呢?如果有嘅話,其實正確使用嘅情況下,驗孕棒都有好高準確度嘅,所以應該就係無懷孕啦。如果都係好擔心都可以去醫院驗血檢查有無懷孕嘅。

睇到你話經期遲咗1-2個禮拜,其實好多因素都可能會令經期唔穩定㗎,例如:休息時間唔夠、大壓力、長期熬夜、生活習慣改變、食藥、長期處於擔心狀態 等等。咁其實可以唔洗咁擔心,你可以調理返自己嘅作息、心情就得㗎啦。

最後,如果唔想之後再好似咁樣擔心,可以採取避孕措施。例如:事前避孕藥、避孕針、避孕貼、子宮環、安全套 等等。按照自己嘅需求做選擇。

(Intern同學 Fionn)