避孕藥蛋白清分泌物

食咗兩盒避孕藥 都係21粒裝
冇漏食 都準時食
而家係停七日嘅第二日
去廁所嘅時候發現有啲類似排卵期嘅蛋白清分泌物
但今日先發生完冇保護措施嘅性行為😵‍💫
會唔會需要食事後丸:bowing_woman:t2::bowing_woman:t2:

Hello~多謝你嘅提問:heart:避孕藥通常需要喺月經嚟嘅頭五天內開始服用,而喺啱啱開始服用避孕藥嘅頭兩個星期,如果進行性行為,都需要配合外用嘅安全措施。因為唔知道你服用咗避孕藥幾耐,所以如果你喺頭兩個禮拜冇使用其他安全措施避孕,咁就有可能懷孕。因為你服用嘅係21粒包裝的避孕藥,需要跟藥片日期順序每日服用一粒,連續21日,然後停藥7日。而月經會喺停藥嘅第2-4日來潮,所以現階段你可以等多幾日,如果有嚟月經嘅話就唔需要擔心。

一般嚟講食避孕藥頭三至六個月都係適應期嚟,呢段時間月經週期可能都會有所變化,而呢啲變動因人而異,例如生病、食過其他藥物、生活習慣突然改變、會唔會好大壓力、有好大嘅情緒變動等等,都有機會影響月經週期嘅出血量、分泌物、月經前症狀等。而假如你冇漏食藥或身體冇咩特別狀況,咁避孕藥效果已經生效,唔需要服用事後丸。

另外,如果分泌物呈透明偏奶白色,帶有黏性,好似蛋白嘅狀態,但冇異味,咁就係正常嘅。但假如分泌物嘅顏色為黃色、綠色、帶血,而且量變多,並且出現異味同埋痕癢,有可能係因為冇妥善清潔性器官所造成嘅發炎,或者係其他性器官疾病嘅感染,如果有嘅話就要盡快睇醫生啦!