好驚。。。

Hello~原則上,排卵期可以由月經第1天開始計嘅第14日左右開始。不過其實每個人嘅排卵期都唔一樣,可能會相差幾日,而月經週期都係唔規律嘅,好容易隨住身體狀況,情緒,壓力等等所變化,所以我哋好難推斷嘅。既然你聽日已經決定去睇醫生,咁與其喺度估估下,聽返醫生嘅意見就最可靠啦:heart:

醫生都話我係有啲過度焦慮症
佢叫我唔使擔心
因為出面市面上嗰啲驗孕棒已經好準
如果驗過咁多次都係陰性
就真係冇
更何況我如果而家呢個禮拜驗嘅應該都會係兩條深線 因為如果我真係懷孕嘅話 應該都已經大概四至五個禮拜
但係我都照買咗驗孕棒聽朝再check下
求個安心:pray:t2:

既然經醫生嘅專業評估後,已確認你無懷孕,希望你可以相信無懷孕依個事實,嘗試同自己講 : 「驗埋今次而結果係陰性嘅,我就要相信自己無懷孕,停止驗孕。」,亦都鼓勵你多做下自己感興趣嘅事,讓自己唔好專注於驗孕依件事上:thought_balloon:

我今日都驗咗啦 真係冇事啦🥲:heartbeat:

我都有同男朋友溝通過
話以後都唔會有陰道嘅性行為
即知可能結婚之後想生BB嗰陣先至會
之後佢都應承咗~
多謝你哋 一直都冇覺得我煩🥲:heart:

2個讚

唔好意思我想最後問多次…
因為我網上面見到好多人都話
驗孕棒驗唔到之類 但係最後有咗
所以懷孕咗五週都驗唔到嘅可能性大唔大…
但係至於我又已經嚟咗M
但係feel到自己呢排成日都有胸痛 但係腹部就冇感覺 然後又見到肚臍下面有條好淺色嘅線 雖然我上網睇啲人都話每個女仔都會有 只不過係可能懷孕之後會變得更加深色
然後我今日又用clearblue digital驗多次都係話我not pregnant…
我驚驗唔到 但係最後有咗 真係好驚
我係咪真係太緊張 我都唔知可以點做:woman_facepalming:t2:

加上體溫好似好高咁 成日都feel到自己塊面好熱…

仲有啲皮膚都差咗…

然後我又冇話覺得想嘔或者厭油 但係就係好多胃氣:woman_facepalming:t2:

想問吓我會唔會係內分泌失調:woman_facepalming:t2:
因為我成日都兩個月先來一次m
同埋近排又成日腸胃不適 便秘 不過而家好返少少
係皮膚生左啲粒粒🥲

Hello​:smiling_face_with_three_hearts:明白你嘅擔憂,如果你對於自己驗孕嘅結果都係覺得有懷疑嘅話,其實建議你可以去家計會/公立醫院/私家醫院進行驗孕,相信有姑娘嘅協助下,你都會比較安心。而且有關一啲初期懷孕症狀,其實有好多呢啲症狀都同月經前症狀,或者因為身體嘅改變造成嘅變化好相似,例如你嘅情緒壓力,生活作息,運動量,有冇服食藥物等都會有影響,所以如果呢件事的確係好影響你嘅情緒,最好嘅方法就係有專業人士陪同你嘅情況下進行驗孕,讓你可以放心落嚟:relieved::relieved:

咁我想問吓
如果我真係懷孕五週嘅話
正常係應該驗到㗎嘛係咪呀🥲

係呀冇錯,其實受精卵着床後就會驗到,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。

唔好意思吖… 我想人講下嘢
姐係明明我都知自己係已經冇可能懷孕但係成日都仲係好驚 唔知咩事:woman_facepalming:t2:
我呢幾個禮拜都有驗 全部都係呈陰性
我上網見到有人試過驗咗好多次都係陰性 然之後最後發覺其實有咗
我都好驚自己係咁
因為琴日應該係要來月經嘅日子
之後今日朝早用曼受雷頓驗過一次 都係陰性
我計過 月經前兩個禮拜就開始有啲經前後群症徵狀 然後依家啲症狀就越嚟越明顯 有腹脹痛 胸脹痛 背痛關節痛 近呢兩日開始有白色嘅黏黏地分泌物(之前係冇嘅)然後前幾日有啲頭痛 係唔係因為就嚟嚟M所以咁樣 我真係好驚…
你覺得我需唔需要去驗血 或者去照超聲波…

見到你呢個幾月嚟都好擔心懷孕,甚至對你嘅日常生活都造成一定嘅影響,呢種咁大嘅情緒壓力可能會影響你嘅月經。而月經未出現呢樣嘢可能令你更加擔憂,可能你覺得一日月經未出現,一日你都相信唔到所有嘅驗孕結果。 :pleading_face:

但係都想你明白,月經係由幾個繁複嘅身體系統互相配合形成,所以好容易受到唔同因素影響,例如荷爾蒙水平、壓力、作息、飲食、藥物同生病等等。每人每次月經週期嘅情況,包括月經週期長度、流血日數、流血量、經血顏色質地、經痛程度、經前不適情況,都可能會唔同。你呢排壓力比較大或者休息得唔好、你又有提到你消化系統都唔係太好,呢啲因素可能都會令到月經有變化。一啲app嘅預測或者日曆計算未必準確,因為佢哋唔會知道同埋考慮到你嘅其他身體情況。所以你話「琴日應該係要來月經嘅日子」,其實並唔準確。 :x:

至於「胸脹痛 背痛關節痛 近呢兩日開始有白色嘅黏黏地分泌物(之前係冇嘅)然後前幾日有啲頭痛」都係常見嘅經前症狀,不過亦有機會有其他原因導致,但我哋係可以排除懷孕呢個因素。

而你所講嘅

其實網上嘅資訊係真係假我哋冇得考證,佢哋話驗咗好多次係陰性唔代表佢哋有正確使用驗孕棒,或者距離性行為有足夠嘅時間先驗孕。同時,你驗孕咗咁多次都係陰性結果,你用咗唔同牌子嘅驗孕棒,同埋電子驗孕棒,搵埋醫生幫你檢查,可以嘗試相信下個結果!

如果你覺得去診所由醫護人員幫你驗孕,或者幫你抽血檢查,照超聲波等你親眼見到子宮內嘅情況係可以令你安心啲嘅,不妨去做。 :man_health_worker:t2: :woman_health_worker:t2:
但係希望你都思考下,究竟點樣你先可以相信自己冇懷孕?你需要醫生診斷?定係你要親眼見到驗孕棒以外嘅某啲檢測嘅結果?定係需要其他嘢? :face_with_monocle:
睇返過往同你嘅問答,你喺性行為之後已經出現咗一次月經,其實已經可以確認你係冇懷孕嘅。係咪如果今次月經出現你就可以相信,可以唔再需要驗孕?
如果你唔疏理清楚你嘅諗法,其實我哋提供幾多資訊,不厭其煩地回答你幾多次,可能都解除唔到你嘅疑慮。

見到懷孕風險令你困擾咗咁耐,你都可以考慮同男朋友商量並取得共識,喺你未準備好之前,唔好發生陰道陰莖插入式嘅性行為,甚至唔好發生任何形式嘅性接觸,等你覺得心理上準備好,先再發生進一步嘅行為。

而如果你覺得月經唔規律呢件事都令你好困擾嘅,你可以考慮食避孕藥,服用某啲避孕藥有令到經期規律、經血量減少、減少經前同經期不適嘅情況。食藥之前記得要去睇醫生,檢查身體情況係咪適合同埋適合邊款避孕藥。而且避孕藥喺正確服用嘅情況下有99%嘅避孕成功率,如果你將來想發生性行為嘅話,都可以提供避孕功效。 :blush:

而家希望你可以嘗試放鬆下心情,做下自己鍾意做嘅嘢,你鍾唔鍾意聽歌?睇戲?整嘢食?做運動?可能做下你有興趣嘅嘢,可以舒緩到壓力。或者可以同朋友傾下計去下街,有人陪伴可能你會覺得舒服啲。 :wink:

可能有時焦慮或者擔憂嘅心情會令我哋好孤立無助,甚至覺得係控制唔到嗰啲感覺,被啲感覺佔據咗平時嘅生活 :confounded:。如果你想,你都可以嘗試下一啲呼吸練習或者放鬆練習,將自己由好緊張好驚慌嘅狀態慢慢帶去一個平靜啲嘅狀態。 :wind_face:
你可以試下呢啲片介紹嘅方法,或者搵下最適合自己嘅放鬆方法。




今朝7:25驗嘅
頭兩張相係7:28影嘅
第三張係8:25影嘅
第四張係13:54影嘅
上網見到好多人話呢隻牌子經常出現蒸發線
而我自己之前都試過:woman_facepalming:t2:
但係冇試過咁深隻
好對唔住 我真係唔知可以點做
我有啲驚…

不過其實我都覺得懷孕可能性都唔大:sweat_smile:

Hello ~多謝你嘅問題!

蒸發線嘅出現通常係因為超過左嗰支驗孕棒嘅建議閱讀測試結果嘅時間(一般唔多過15分鐘),或者係因為測試嘅環境比較潮濕,都會導致出現蒸發線,出現蒸發線並唔代表懷孕。

見你都可能比較擔心呢一隻牌子會出現蒸發線,影響咗測試結果,但睇返你上邊嘅回覆,都見到你之前都有試過用曼秀雷頓嘅驗孕棒做測試,而個結果都係陰性,所以希望你相信你嘅驗孕結果,因為現時市面上嘅驗孕棒都有好高嘅靈敏度同特異性,所以驗孕嘅結果都有好高嘅準確度,只要有根據說明書正確咁樣使用驗孕棒,都會得到一個準確嘅驗孕結果,所以唔好俾太大嘅壓力自己!:see_no_evil:

另外,喺7月9號嘅回覆你都有提到你同咗男朋友溝通,喺希望有BB之前都唔會發生陰道交嘅性行為,呢一個行為非常好!因為如果唔想懷孕嘅話,最好嘅方法就係唔發生性行為。都見到你因為擔心懷孕而影響到自己嘅情緒,而唔發生性行為正正杜絕咗懷孕嘅機率。咁樣可以減少你因為擔心自己懷孕,而影響自己心情嘅情況!希望以上嘅資訊可以幫到你~
(Intern同學 Nicole)