會唔會有?中學生求救….

今日6月23日女友幫我手淫同口交
完事之後我用我右手幫返佢
但唔知自己右手一開始有冇hi到自己既精液
就將手指插左入去幫佢

1.想問咁樣有既機會大唔大
我地自己已經買左驗孕棒
而家好驚唔知點樣
我地只係中學生

希望有人可以幫幫手⋯⋯唔該大家⋯⋯

Ps女友既經期唔穩定
佢同我講四日之前完M
但佢來M係持續一個幾月
希望有人幫下手
萬分感激:pray:t2:

Hello~多謝你嘅提問:heart:因為只有喺精子同卵子結合成受精卵後,且到達咗子宮腔先會成功懷孕。而如果冇插入,或性器官之間冇直接接觸,基本上精子係冇可能進入陰道嘅。當然,如果你手上真係有精液,並且將手指插入陰道,咁就有機會懷孕,但係機率都係非常低嘅。而一般精子喺體外存活的時間非常短,大約喺15~30分鐘左右,喺衣服上面就更短,大約只有幾分鐘。一旦精子暴露喺空氣中,壽命就更短,而溫度越高存活時間越短,最終脫水而死,歸於虛無。所以冇內射精的話懷孕機率係唔大的,唔需要擔心:heart:

而驗孕棒嘅檢驗時間喺做愛後嘅14日最為準確,而愈接近嚟月經嘅日子驗就越準確。所以如果你真係好擔心都可以按時驗孕,或者等月經遲嚟咗7日以上再去測。使用驗孕棒嘅時候,記得要詳閱說明書,大多數嘅使用方式如下:

  • 盡量採用早上第一泡尿嚟檢驗,但其他時間檢驗都沒問題。
  • 將驗孕棒放入尿液中約5分鐘。
  • 質控線(C)出現反應後先可以拿起。
  • 如果5分鐘內冇質控線出現,表示檢驗無效或失敗。
  • 拿起後等待反應線(T)的檢驗結果,大約5-10分鐘。
    當驗孕棒呈現一條線時,代表檢驗結果為陰性,即係冇懷孕;當驗孕棒呈現二條線時,代表檢驗結果為陽性,即係懷孕了。如果真係有咗,咁就建議去家計會做個詳細嘅婦科檢查,再同屋企人傾吓下一步嘅行動。可以放心嘅係就算你哋未夠16歲,家計會都唔會喺未得到你哋嘅同意下,擅自報警或者聯絡你哋嘅屋企人。

而女性嘅月經周期長短不一,最常見嘅周期長度介於21至35天之間。一般嚟講,月經持續時間為2至7日。如果月經期持續超過7天則算係經期過長。月經過長或過多會嚟月經期間引起不適,甚至影響日常生活同睡眠,如果你女朋友嘅月經長而且血量多,更有可能患上缺鐵性貧血。經期過長的原因有好多,包括荷爾蒙失調、藥物治療、子宮肌瘤或瘜肉、盆腔炎,甚至癌症等。所以如果你女朋友嚟月經係一個幾月嘅話,咁建議佢盡快去搵婦科醫生做個詳細嘅檢查,避免錯失治療嘅最佳時機。

不過都想提返你就算冇插入都好,使用安全套都能夠有效避免不同嘅性病通過口交等途徑傳播,對於你或者你嘅伴侶嚟講都係一個更加安全同更加保險嘅做法。

希望以上嘅資訊幫到你!:heart:

1個讚