關於打混合荷爾蒙避孕針

請問打完針之後其實係咪立即有效?我係經期第二日打嘅
我上網睇有啲話係立即有效有啲又話要等48小時後先見效仲有啲話係等啲副作用退先有效 :thinking:到底邊個先啱…

Hello,多謝你嘅提問。

有關於打混合荷爾蒙避孕針,如果係月經頭五日內打,原則上避孕功效會即時開始係身體內建立,不過因為唔同人對避孕針嘅反應都唔一樣,都唔建議打針後就即時發生性行為。一般都會建議打針後最少頭7日避免發生插入式性行為或者必須要同時使用安全套。而避孕針係透過注射人造荷爾蒙入體內,從而抑制卵巢排卵和令子宮內膜產生變化,使受精卵難於著床,並增加子宮頸分泌物的黏稠度,使精子難於穿過黏液進入子宮腔。

提一提翻你混合荷爾蒙避孕針有效期為一個月,記得喺有效期完之前預約返去診所注射。不過假如注射後有異常情況,例如出血或痕癢,建議盡快同打避孕針嘅醫生報告作檢查。

(Intern 同學 Kelvin Chiu)

1個讚