流啡問題🥹

我有食開事前藥 目前已經食到第七個月
啱啱發現自己有啡色分泌物
但係離我今個月無藥性嘅藥丸仲有十日
上個月嚟完m之後一直都無性行為 到今日都無
想問下咁樣係因為咩原因先流啡?唔該曬:pray:t2:🥹

Hello~好多謝你嘅提問:heart: 月經之後出現啡色嘅分泌物有可能係因為月經後期出血量少,經血排出不暢,喺宮內淤積時間長所導致,所以有機會喺排卵期同分泌物一齊排出。排卵期嘅出血量一般唔會太多,出血的時間都唔會太長,大概持續三日左右。喺呢段期間,仲可能會伴隨輕微肚痛嘅感覺,呢種情況唔需要特殊的處理,儘量注意保暖,飲多啲暖水就ok。而如果你最近精神壓力過大,就有機會導致內分泌失調。而內分泌失調亦係引發月經失調的元兇之一,同時亦會導致啡色分泌物嘅出現。而因為你嚟m之後都冇進行性行為,假如你冇漏食藥或身體冇咩特別狀況,咁避孕藥效果已經生效,唔需要擔心有懷孕嘅風險。

暫時嚟講,分泌物冇任何異味,亦冇咩唔舒服感覺,就應該唔會係炎症,唔需要太擔心嘅。但如果你之後性交嘅時候覺得痛,或者陰道壁痕癢,有灼燒感,或者分泌物有魚腥味,咁就有陰道炎嘅風險,需要去睇醫生啦!

補充返少少
琴日仲係流啡
今日起身啲血直情係紅色嘅🥲
會唔會真係嚟m?但係預計本身應該係至少仲有十日先m到嘅 算唔算係內分泌失調?🥲

Hello​:otter: 服用低劑量嘅人造荷爾蒙事前避孕藥,經血嘅量有機會減少,所以顏色上面未必係紅色。而上面嘅回覆亦都提及到内分泌失調嘅原因同可能岀現嘅一啲症狀,例如精神壓力過大,就有機會導致內分泌失調。:two_hearts: 不過服用避孕藥嗰段期間,其實係會透過人造荷爾蒙去抑制排卵。所以唔存在排卵期,亦排除咗排卵期流啡嘅可能:ok_woman:t2:

而服用緊事前避孕藥,原則上每日服用時間相同,月經岀現嘅時間係會比較準啲。但睇翻你嘅情況,流啡並唔係喺預期來經嘅日子,之後亦有岀現紅色嘅分泌物,其實可能反映咗身體開始有變化。所以,係咪真係月經定係其他情況,比較難用文字表達岀嚟同埋都有好多可能性喺入面。最好都搵醫生做一個詳細嘅檢查會好啲。:otter:

:warning:流啡,有粉紅色分泌物,甚至有紅色分泌物,有機會會係陰道不規則岀血,即係非經期性岀血。而且有一啲婦科病(子宮頸發炎、長瘜肉,或者子宮肌瘤、肌腺瘤等等)嘅病徵同內分泌失調嘅病徵好似,都有陰道非經期岀血,流啡嘅情況。所以,無論有流啡,有粉紅色分泌物,甚至有紅色分泌物都好。建議你最好搵醫生去做翻個詳細嘅身體,睇下身體狀況如何:two_hearts:

(Intern同學 Dorothy Cheung)

想講返由投稿當日到而家仲有啡色分泌物🥲即係嗰日開始留啡 大概一個禮拜後就變月經嗰種紅色 然後過多幾日又變返啡色到而家 想問下究竟係有左定係因為咩其他原因 因為有食事前都已經半年幾 第一次發生呢啲情況 好擔心🥲

你流啡嘅情況已經超過一個星期,建議去搵醫生檢查下身體,睇下有冇病理性嘅原因導致持續出血嘅情況。記得同醫生講清楚你食避孕藥嘅情況,睇下需唔需要轉藥。 :woman_health_worker:t2: :man_health_worker:t2: