打避孕針後

2020年11月停左打針,打左6年。
今個月打返,因為個小朋友已經好大同無打黎經好辛苦。
今次黎m第2日去左打每月一針果種。
黎m黎6日同第7日無用condom外射。
而家有dd擔心洗吾洗食事後。

因為醫生就話頭7日要用condom. 另一個醫就話即時有效。

Hello~多謝你嘅提問:heart: 避孕針係通過注射人造荷爾蒙,抑制卵巢排卵、令子宮內膜產生變化,使受精卵難以著床;並增加子宮頸分泌物粘稠度,使精子難以穿過黏液進入子宮腔。一個月一次嘅避孕針係混合荷爾蒙,有94-99%嘅避孕成功率。不過除咗唔發生性行為外,其實現時都未有一種避孕方法有100%嘅避孕效果。

原則上喺月經頭7日內打完針會即時有避孕效果,但有時醫生會建議打完7日內發生性行為嘅時候都使用安全套,避免因為身體適應唔到藥物而影響避孕效果。不過如果醫生評估過你嘅身體狀況認為你適合用避孕針避孕嘅話,出現不良反應嘅可能性都比較低,咁就唔需要食事後丸。不過因為你停咗針一段時間,重新打針之後可能會出現一啲副作用,例如:體重增加、頭痛、頭暈、乳房脹痛等,短時間内會消失。避孕針亦有機會影響經期,大概一至兩個週期後會穩定返,呢啲副作用都係因人而異嘅。但都想提醒返你,如果下次再打針嘅時候,盡量避免係短時間内發生冇使用安全套嘅性行為,因為身體需要時間去建立藥效。

如果真係好擔心會意外懷孕,你可以考慮喺性行為之後72/120小時內服用事後丸,或者喺性行為14日之後再自行驗孕,咁到時嘅結果就最準確啦!

希望以上嘅資訊幫到你:hugs:

想問下個月再打是否不需要7天適應期?

如果中間冇間斷嘅話,咁就唔需要用安全套。但如果過咗有效期先打第二針,咁打完之後7日就最好配合埋其他安全措施,以保證有效避孕。

呢度都會建議返你喺有效期到之前嘅7日內預約返打針,咁就可以避免有間斷嘅情況出現啦!

解釋得好清楚呀,謝謝你。