十分之擔心

我同男朋友係6月22日發生冇套性行為,雖然冇內射但我知道冇射都會有精子係陰莖漏出,我今年5月已經戴咗子宮環,都知道子宮環避孕率都高。但有兩個星期都成日唔舒服,包括:胃氣多,子宮有少刺痛同間唔中頭暈,上網查過有機會係月經前嘅症狀但同初期懷孕症孕好相似,重有幾日先嚟月經,個心成日迎着迎着:disappointed_relieved:

*症狀 sorry 打錯字

Hello​:smiling_face_with_three_hearts:首先解答左有關於冇內射但有精子係陰莖流出嘅問題,男性性興奮嘅時候會分泌透明嘅尿道球腺液,當中有機會含有少量精子。所以即使只係體外摩擦,或者未射精,只要性器官有直接接觸過就會有懷孕或者傳染性病嘅風險。

但由於你五月嘅時候已經帶咗子宮環,所以都可以撇除懷孕嘅機會。因為子宮環能促使子宮內環境產生變化,影響精子活動能力及卵子喺輸卵管蠕動嘅速度,並阻止受精卵著床。而子宮環一經放置落去子宮就會有避孕嘅效果。一般情況嚟講,配戴子宮環前必須由醫生進行身體及盤腔檢查,以確定是否有不適合戴環嘅問題,所以如果你係經家計會嘅醫生,或者其他私家診所醫生檢查後佩戴子宮環,之後就算發生唔安全嘅性行為都會避免到意外懷孕嘅機會。

至於你身體感到不適嘅情況,的確好多月經前嘅症狀同初期懷孕症狀都好相似,所以我哋唔可以靠呢一啲症狀去判斷自己有冇懷孕。而且月經周期受到好多因素影響,例如生活作息,飲食習慣,運動量,情緒壓力等,都會影響月經前症狀,出血日數,出血量等。如果真係擔心嘅話可以進行驗你孕,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。所以距離你第一次性行為(22/6)之後嘅11日,即係今日(3/7)驗孕就會有準確嘅結果。

都提醒返你,即使喺戴環之後冇出現特別嘅問題,都建議喺兩至三個周期後俾醫生做一次出嚟嘅檢查。另外喺戴環初期,月經時間可能會較長,經量也會增多。有部份女性喺月經以外嘅時間可能會有小量嘅陰道出血。如果呢個情況持續或加劇,就要諮詢返醫生嘅意見:ok_woman:t2:

謝謝你的回覆,今日已經驗孕好彩冇事:sob::pray:t2: