hello想請問食避孕藥其實同飲酒有無衝突？上網見啲人話會影響藥效。有啲人又話食左藥後兩個鐘先飲酒無問題。又話如果無飲酒後嘔番啲藥多數都無問題。
補充下先：
我係第一次食Yaz。經期第二日開始食。琴日食左第八日，一直以黎都係6:30-8:30pm呢段期間食藥，期間無咩副作用一切正常。琴日7:30pm食左第八粒，然後凌晨12點第一次無套內射，接著凌晨1點開始飲酒。飲完都無咩點醉亦都無嘔。
想問既係我琴日無套內射再加飲酒其實會唔會影響藥效。第二個想問既係generally飲酒同避孕藥有無衝突。
Hello
暫時研究指出酒精並唔會直接影響避孕藥嘅藥效。不過，好多時候都會因為過度飲酒而導致嘔吐，而假如嘔吐同服用避孕藥之間相隔時間太短，有機會會導致避孕藥未能比身體完全吸收，令避孕藥嘅藥效減低。另外，服用避孕藥之後，通常酒醉嘅情況都會變得更快。因為身體本身已經代謝緊避孕藥內嘅激素，飲酒後就需要同時代謝埋酒精內嘅乙醇，導致代謝緩慢，酒精留喺身體裡的時間更長，就更容易醉酒。
如果平日都會固定經常飲酒，亦希望繼續服用避孕藥的話，都可以考慮將食藥時間同飲酒嘅時間分隔耐啲，例如將食藥嘅時間改做朝早，咁就起碼服藥前後4小時內都唔會飲酒，避免擔心因為飲酒後嘔吐／唔記得食藥，而影響藥效。另外都可以考慮吓其他安全措施會唔會較適合自己嘅日常生活，例如安全套，避孕針等，有需要都可以諮詢返醫生嘅意見