2/7禮拜六男朋友射起我陰道出面，期間應該係我嘅月經週期，距離上一次黎M係31/5去到7/6，我每一次黎M都會提早，但係今次就遲左五日都未黎，正常1/6應該黎，我好驚係咪因為佢射左起我陰道出面啲精子游左入去搞到有bb 利申：未破處同埋冇直接插入，射完之後我都用紙巾抹走，但仍然有啲精子黏住左起底褲，當時我冇理就著左，5分鐘內翻到屋企都即時沖涼，同埋唔知食唔食緊急避孕丸好，未到10日驗孕棒check唔到，但係食左副作用好大，有左真係承擔唔到之餘屋企人都會對我好失望，呢幾日嘅肚開始有啲痛同埋有啲聲，腰背都痛同埋屁都多左，有時仲有啲反胃嘅感覺，不過未去到冇胃口，同埋有啲留鼻水，我分唔清係黎M之前嘅特徵or早孕特徵，求解答
打錯 應該正常1/7就會黎，但係宜家都未黎，唔知食唔食避孕丸好
Hello
首先想了解下「男朋友射起我陰道出面」，係指射精喺陰道口？定係陰部其他位置？ 
- 如果精液係直接射喺陰道口位置：
都會有一定嘅風險，雖然比無套插入／內射等嘅風險低好多，但並唔係完全冇。
- 如果精液同陰道口冇接觸：
咁懷孕嘅風險係好低嘅。
精子需要靠精液或者尿道球腺液呢啲媒介去提供營養比佢哋生存同埋移動，如果精液離開咗體外暴露喺空氣中，或者接觸咗衣物之後，精子好快會死亡，亦唔會移動到。如果冇接觸過陰道口，精子更加唔會可以由陰道進入身體。
你可以衡量風險考慮要唔要進行緊急避孕。
緊急避孕藥係用高劑量嘅人造荷爾蒙去抑制排卵、干擾受精、或者阻礙受精卵著床，從而達致緊急避孕嘅功效。因為荷爾蒙劑量比較大，所以有機會出現副作用，不過每人身體唔同，副作用嘅程度亦都因人而異。只要唔係用佢作為長期嘅避孕措施，或者頻密咁使用，對身體嘅影響並唔大。
不過記得緊急避孕藥要喺性行為72小時／120小時內食，你應該距離性行為已經過咗72小時，只可以揀120小時嗰款。如果有需要，盡快去家計會診所／母嬰健康院／私家診所睇醫生食藥啊 
記得唔好喺藥房自己買，因為喺香港，事後丸係處方藥物嚟嘅。
而如果你決定咗食嘅話，都想你有定心理準備，避孕藥有機會影響1－2次月經嘅情況。
如果你唔想食事後藥嘅，而你又擔心嘅，你都可以考慮驗孕。
驗孕係檢測身體有冇hCG呢種受精卵著床之後先會產生嘅荷爾蒙，而卵子受精著床需要大概6－9日時間。所以，性行為7日後（7月8號）驗孕會得到初步結果，而11日後（7月12號）驗孕就會得到相對比較準確嘅結果。
「呢幾日嘅肚開始有啲痛同埋有啲聲，腰背都痛同埋屁都多左，有時仲有啲反胃嘅感覺，不過未去到冇胃口，同埋有啲留鼻水」呢啲全部都唔可以作為判斷懷孕嘅標準，因為有好多其他原因導致呢啲情況出現，例如經前荷爾蒙變化、消化系統問題等等。事實上，冇任何一種症狀嘅出現可以準確咁俾我哋知道究竟係唔係懷孕。
無論驗孕結果係點，都一定有面對嘅方法嘅。有需要嘅，我哋會喺度陪住你。 就算真係懷孕，都會有唔同嘅支援服務嘅，你唔需要自己一個獨自面對
另外都想你明白，月經係由身體幾個繁複嘅系統互相配合而形成，所以有好多唔同因素會影響到月經，例如荷爾蒙水平、飲食、作息、壓力、生病、藥物等等。其實每人每次月經週期嘅情況（包括月經週期長度、流血日數、流血量、經血顏色質地、經痛程度等）都可能會唔同。你呢排會唔會休息得唔好？或者好緊張？呢啲都會影響月經嘅。
而你講到「我每一次黎M都會提早」，其實月經週期冇一個統一嘅標準（例如28日），可能你嘅月經週期比較短。事實上，月經週期可以係21日－35日，而係某啲身體因素影響下，會更加長或者更加短。
所以，如果排除咗懷孕嘅可能性之後，就可以放鬆下心情，耐心等月經出現～
最後，建議你哋可以考慮即使唔發生陰莖陰道插入式嘅性行為，都可以考慮使用安全套；或者射精嘅時候，避開下腹／大髀內側／陰部呢啲位置，避免精液意外地接觸到陰道口而擔心。 
佢射左起私密處，當當時係企高嘅，所以我唔確定有冇對射，而我好確定陰道口係有掂到精液，同埋如果我買避孕丸係咪一定要搵醫生，同埋如果起月經週期會唔會有影響懷孕風險，假設真係懷孕而我未夠18歲點算
Hello~ 照你所講嘅情況，精液有直接接觸到陰道口嘅話，
而緊急避孕藥係必須經醫生處方嘅，除左係法例規定之外，亦因為唔係每個人嘅身體狀況都適合服用。
另外你提到
意思係唔係喺排卵期期間進行性行為？因為月經週期指嘅係月經開始嘅第一日至下次月經出現前一日，而如果喺排卵期期間進行性行為，的確有機會增加懷孕嘅風險嘅。
不過就好似 @Ching_StickyRiceLove 咁講，現時有唔同嘅機構提供未成年懷孕嘅支援服務，所以即使意外懷孕你都唔係獨自面對嘅
如果選擇繼續懷孕嘅話，母親的抉擇可以為有需要嘅少女提供住宿服務以及訂造嬰孩成長計劃 : 母親的抉擇 - 青少年服務；而如果選擇終止懷孕嘅話， 家計會嘅青少年保健中心會為懷孕週數10週以內，而且身體情況符合診所要求嘅人進行終止懷孕程序：終止懷孕 - 香港家庭計劃指導會
家計會並唔會有你嘅屋企人資料，亦唔會未經你同意聯絡你屋企人或者報警。不過，因為始終係醫療程序，會有一定嘅風險，家計會會建議你通知家人，如果有需要都可以喺緊急情況幫你做醫療決定。
如果你唔希望屋企人知道，而想搵人求助，你可以考慮一啲提供意外懷孕支援嘅機構，例如青躍：Home Page ZH - Teen’s Key Hong Kong 有需要可以搵佢地傾下，我地亦可以提供相關嘅轉介服務
今日發現黎左M 我想問下黎M係咪代表一定冇懷孕 因為上網睇有人懷孕三個月內都會有月經嘅出血😮💨
Hello～多謝你嘅提問
懷孕但係仍然有月經嘅情況係有嘅但係唔常見，原因有兩個，一個係受精卵着床唔穩定，第二個係子宮內膜脫落。仲有一啲異常情況會導致陰道出血，例如先兆流產或者宮外孕。不過以上嘅情況都係好少見嘅，一般來講嚟咗月經就代表冇懷孕。
不過如果真係好擔心，建議可以用驗孕棒進行驗孕。而建議驗孕時間係性行為之後嘅14日左右，而當月經已經延遲咗7日以上，個結果就最為準確，因為如果係上次月經週期已經懷孕，咁通常已經懷孕四週。如果確認冇懷孕，就可以完全放心，但如果有懷孕，咁就要同屋企人同埋另一半傾下，決定下一步行動啦！