7月4同男朋友做完，一路而黎都有帶套，但係今次用咗另一個牌子，男朋友話有少少緊，但都帶左同埋帶到，係做既途中我感覺到下面有少少濕，真係少少
但我有摸過冇野就繼續，冇乜特別好濕嘅感覺，唔知係咪因為有帶套磨擦，有啲我既愛液係我下面？
然後完左我地都拔左出黎，攬左一陣先除套，我冇望住我男友除，不過佢無啦啦同我講穿左，之後開燈床單有2，3個位都有精液🥹我驚到即刻去沖身，返到房攞個套去裝水，但係又冇穿
男朋友話可能佢除得衰，太緊難除，但係我真係好驚會唔會hi到定係個套底部漏出，因為唔肯定係咪佢除得衰，之後我睇返我record，我黎完m岩岩5日，同埋我feel到自己有排卵痛，係咪即係會中我好驚，日日都諗，男朋友又叫我唔好食事後會傷身，因為冇穿，但我就黎擔心死，我一向黎m好準，有冇人幫我分析下
Hello~多謝你嘅提問
明白唔肯定個套有冇穿係好令人擔心嘅，不過既然你有灌水檢查，咁基本上都可以確定係冇穿嘅，唔需要太擔心。不過因為安全套過短、過緊，使用嘅時候唔單止會覺得緊繃、疼痛，仲好容易破裂。如果安全套穿咗嘅話，咁就算係體外射都好，陰莖射精之前嘅尿道球腺分泌，內含少量精子，都有可能導致懷孕。所以建議當發現安全套尺寸唔合適，應該重新購買，確保安全。至於如何量度陰莖尺寸，可以參考呢個post：
https://www.instagram.com/p/CNmt0RpDzpy/?igshid=YmMyMTA2M2Y=
而正如上一段咁講，因為磨擦嘅時候你哋有用到安全套，而基本上確認個套冇穿，所以你係做之前覺得下體有少少濕，好大可能係你嘅愛液，唔需要擔心有懷孕嘅可能性。
不過如果真係唔確定安全套有冇破裂嘅話，建議可以用驗孕棒進行驗孕。而建議驗孕時間係性行為之後嘅14日左右，即係18/7，而當月經已經延遲咗7日以上，個結果就最為準確，因為如果係上次月經週期已經懷孕，咁通常已經懷孕四週。如果確認冇懷孕，就可以完全放心，但如果有懷孕，咁就要同屋企人同埋另一半傾下，決定下一步行動啦！
同埋見到你有提及feel到自己排卵痛，咁係咪即係代表懷孕呢，其實有好多月經前症狀同懷孕初期症狀好相似，正正係因為咁，我哋唔可以靠呢啲症狀去判斷自己有冇懷孕。而且有好多因素影響月經周期，例如生活作息，飲食習慣，情緒壓力等都會影響月經周期嘅經前症狀，出血量，出血日數等。所以最有效同埋快捷知道自己有冇意外懷孕就係進行驗孕。
總括嚟講，你懷孕嘅機率好低，所以係唔需要擔心嘅。不過做性行為嘅時候，記住要正確使用安全套。坊間一直流傳安全套嘅避孕率高達98%，但實際上只有82%。要配合正確嘅使用方法，先可以達致98%。譬如好多人一開頭分唔清安全套嘅正反面，會唔小心將安全套反轉再反轉用。其實陰莖一旦唔小心接觸咗安全套出面，佢就已經被沾污，應該要用過個新嘅。另外，要留意安全套有冇過期，唔好使用過期嘅安全套。而喺撕開包裝之前要檢查包裝有冇漏氣，打開之後要將安全套頂部嘅氣泡擠走先戴上去，留空間畀男性儲存精液，減少破裂嘅情況。並且絕對唔可以做了一半後才戴套。而做完之後，記得要喺陰莖仲勃起嘅時候抽出陰道，撳住頂部再將安全套拔出，避免精液流出。灌水檢查完安全套有冇破裂後，再打結扔掉。
希望以上嘅資訊幫到你
其實係底部會唔會流出架🥹或者會唔會除既時候佢hi到我下面，我見到張床啲精液太驚了🥹🥹🥹
Hello～如果個安全套尺寸太大，即係過鬆嘅話，咁精液就有機會喺底部流出。不過就算係咁都好，精液都只係會接觸到陰道口，進入陰道而導致懷孕嘅機率係好低嘅。就算唔小心hi到，懷孕嘅機率都係好低嘅，唔需要擔心
謝謝你
聽完你講舒服左，靜心等待吧