尿道炎陰道炎點分?加其他問題

最近完尿既時候感到酸痛 炙痛。

下面(應該係陰道口)有時又會痕,當佢痕既時候就會伴隨尿頻…好辛苦 每次都好想喊。

想問尿道炎同陰道炎點分?

因為呢啲症狀令到我好驚 覺得係關性行為事,已經有沖涼同戴套。但男朋友想盡快唔戴套,等下次黎月經再迫我食藥(其實之前食過事前,但因為食左事後而被迫停左食事前),呢段時間男朋友話我亂食事後而成日責怪我令佢要用套,話每次都做得好唔開心。我聽完之後好唔開心,其實我唔太想做,因為女仔又要怕有左,又覺男朋友以前經歷污糟。

排過文見到停過事前再食事前會好重副作用?好擔心。

我諗緊為左我自己著想,我應唔該突然消失係男朋友生命中(因為我已經知道佢唔會體諒我)。因為如果講分手佢唔會比,唔想同佢鬧交。

Hello~ 謝謝你信仼我地,同我地分享你嘅煩惱阿:yellow_heart: 小便時有疼痛感以及陰部痕癢的確有可能係感染尿道炎同陰道炎嘅症狀,而因為尿道口同陰道口嘅位置相近,所以容易出現互相感染嘅情況,不過只要及早就醫並對症下藥,係可以喺短時間內舒緩症狀嘅:blush: 所以建議你盡快去睇醫生了解返身體狀況🧑🏻‍⚕:man_health_worker:t2:

至於性行為同安全措施方面,想你知道無論我地身處仼何關係,都無義務滿足/配合對方嘅要求,所以即使係情侶關係,亦都需要就性行為達成共識,而共識並唔單止係要唔要發生性行為,要使用邊種安全措施都需要雙方同意。所以就你所講嘅情況,你嘅男朋友唔應該強逼你服食避孕藥及停止使用安全套,亦都應該喺發生性行為前先詢問你嘅意願,而你亦絕對有權向男朋友表達你嘅意願:warning: 想了解多啲有關性行為之中嘅共識,可以睇下我地依個post: Login • Instagram

至於避孕藥嘅副作用方面,喺服用初期常見嘅副作用為噁心、頭暈、頭痛、乳房脹痛、水腫及情緒轉變等情況,程度因人而異,一般會喺服食幾個星期後消失。的確唔係每個人嘅身體狀況都適合服食避孕藥,所以建議服食前先諮詢醫生嘅意見,如果想了解多啲有關避孕藥嘅資訊,例如種類、避孕原理、服用方法等,可以睇下家計會嘅網站: 口服避孕丸 - 香港家庭計劃指導會

另外,見你提到想結束依段親密關係,但係男朋友唔會俾,其實無論係開始定結束一段親密關係,都需要雙方嘅共識,所以你嘅男朋友唔應該強逼你同佢維持情侶關係,依個並唔係愛嘅表現:x: 想了解多少少你有無嘗試同男朋友傾過你嘅想法?有咩顧慮令你對於同男朋友表達你嘅想法卻步:pleading_face: