如何服用避孕藥

請問初次服用經期第二日開始食可唔可以?家計會個網站話頭五日內就可以但我見個牌子話要首日來潮就要食。唔多肯定想請教下,謝謝

補充牌子係YAZ 28粒裝

Hello​:smiling_face_with_three_hearts:多謝你嘅提問,根據Yaz官網嘅描述,第一次服食28粒避孕藥嘅時間有兩個:

1.喺月經第一日嘅時候服食第一粒藥

2.喺正常嚟月經後,第一個星期日服食第一粒藥 (呢個方法就需要喺食藥後七日嘅性行為使用額外嘅避孕措施,例如安全套)

以下係第一次服食避孕藥需要留意嘅地方:

正常情況下,Yaz避孕藥係食完28粒之後唔需要等,即使月經未完/未出現,都要食新嘅一排。所以只要食完四粒白色之後嗰日冇嚟月經都應該繼續開新嘅一包服用。

建議每日大約喺同一時間服藥,以減低出現不適或陰道點滴出血機會,又或者可以set一個鬧鐘,咁就可以確保自己每一日都有食藥。如果唔記得咗食藥,請喺優悅漏服時限24小時內補服,以確保避孕成效。

服用初期妳可能會出現輕微反應如頭痛、不規則陰道出血、嘔心等,而呢啲副作用一般唔會對身體產生負面影響,應繼續照常服藥,通常係服用頭幾個月後會消失。如情況持續、加重或再次出現,就要立即聯絡妳嘅醫生。

有關避孕藥嘅資訊可以參考以下呢個網站: