性交之後喉嚨痛
本人係男，無套俾女女含，之後有kiss, 有套陰道交。但過咗兩日就喉嚨痛，痛咗差唔多成個星期，同埋條脷最入近喉嚨位置有白色突起粒粒…
會唔會係中咗d咩病…
Hello
多謝你嘅提問，首先解答左有關喉嚨痛嘅問題先，如果喉嚨痛嘅情況係性交後持續一段時間，有機會係因為性病感染而導致嘅。例如淋病可以透過口交令咽喉感染，出現喉嚨痛嘅病徵，其他疾病例如尿道炎，都可以經由口交將病菌傳播至咽喉位置。至於近喉嚨位置出現白色一粒粒嘅問題，想問返佢哋嘅分布係一束束、一排狀、定係獨立一點點咁樣？因為如果係椰菜花嘅話，肉粒嘅分布會係一束束，而且會有唔舒服，痕癢，或者痛楚嘅感覺。
由於照文字咁睇，好難判斷你嘅情況係咪屬於性病感染，或者係邊一種嘅性病，所以都建議你去做番個免費嘅性病測試。可以考慮以下機構：
政府社會衛生科服務診所：各類型性病檢查（較全面能即時知結果及比藥)
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
你可以選擇喺空窗期後，再到以上機構做相關嘅性病檢查。一般指嘅空窗期，係指患者受感染，直至測試檢驗出結果嘅個段時間。唔同性病有唔同嘅空窗期，以椰菜花(HPV)為例，佢嘅空窗期為7至14日，如果性行為起計14日內去進行性病檢測，有可能會出現假陰性結果，假陰性嘅意思即係身體其實已經感染咗病毒，但測試檢驗唔到結果。
除咗空窗期，仲有潛伏期，意思即係由感染性病到發病中間嘅一段時間，同樣地唔同性病有唔同嘅潛伏期，幾個星期至一年都有。但一般都會建議有恆常發生性行為嘅人士，每三個月進行性病檢測。所以如果喉嚨痛嘅情況持續，而且白色肉粒亦出現增多或者痕癢嘅情況，就建議你盡快去做性病檢測。
最後都建議下次口交時用口交膜或者口交套呢啲阻隔性嘅安全措施，避免病菌等致病原傳播。同埋口交前記得清潔乾淨陰莖先，避免尿道口有尿液殘留，或者污垢等，呢啲都有機會含有細菌
做左一次脷嘅hpv test, 下體嘅hpv test，都係negative
但脷底都好似有少少粒粒，
請問條脷個次嘅hpv test仲準唔準？
如果你有等夠空窗期，測試結果應該係可靠嘅。
脷底生粒粒都可能有好多原因導致嘅，如果你擔心嘅，可以去睇下醫生，了解下自己嘅身體情況。 
有幾個問題想問⋯⋯
- 請問第8日做左hiv rna test 無事，第15日做左hiv p24 combo都無事，其實係咪都已經安全？
- 第8日做左hpv口腔test, 第15日做左淋病等等ge口腔test，都無事，但仲有喉嚨痛，係咪都可以放心？
- 第15日做左梅毒抗體同血清test, hsv1 igg 同hsv2 igg都無事，係咪唔使再check?
謝謝。
Hello~ 唔同性病嘅空窗期會因應測試工具而有所不同，所以建議你睇返測試工具嘅說明書，或者如果係去診所做嘅可以向醫生查詢，了解返該測試嘅空窗期，如果你係喺空窗期後進行測試嘅話，結果係可靠嘅，陰性就等於無感染，唔洗太擔心
至於喉嚨痛方面，就好似我地之前咁講，有好多唔同因素，見你都持續左一段時間，建議你去睇醫生了解返身體狀況，咁就唔洗估估下啦
想問下你係去邊做hpv test咖？
urban medical