驚有bb😔

同女朋友嚟完M 3日之後就扑,未係排卵期,有帶套,但個套甩咗係入面,未射,但攞返個套出嚟發現入面有尿道球腺液,我哋係唔知道甩咗個套嘅情況之下都仲有郁,發現甩咗之後,已經即刻攞返出嚟之後即刻去沖水,唔知會唔會有bb,希望有人可以幫下手,謝謝:pensive:

Hello
首先想你哋知道,「月經」同「排卵」係好容易受到唔同身體因素影響,例如荷爾蒙分泌、飲食、作息、壓力、藥物等等。而且「排卵期」其實要等月經出現之後,先可以推算返幾時排左卵。除非喺醫護人員嘅指導下每日用排卵試紙測試,否則我哋好難準確咁知道究竟幾時排卵。有時月經週期比較短嘅情況下,嚟完M幾日就會排卵,而且精子可以喺體內存活幾日。
所以,無論月經週期嘅邊一日,只要陰莖/陰莖分泌物(精液、尿道球腺液)同陰道/陰道口有接觸,咁都會有一定嘅懷孕風險嘅。 :persevere:

睇返你哋嘅情況,如果嗰套甩咗,但入面嘅尿道球腺液冇漏出,而且陰莖冇接觸過陰道/陰道口,咁懷孕風險係好低嘅。 :blush:

而如果尿道球腺液有漏喺陰道,或者甩咗拖之後陰莖有接觸到陰道,咁都會有一定嘅懷孕風險。雖然冇內射懷孕風險咁高,但尿道球腺液中都有機會含有少量精子。
你哋可以考慮需唔需要進行緊急避孕。女朋友可以考慮性行為72小時或120小時內服用緊急避孕藥。喺香港,緊急避孕藥係處方藥物,要睇咗醫生先食。有需要可以盡快預約家計會診所/母嬰健康院/私家診所見醫生食藥。 :man_health_worker:t2: :woman_health_worker:t2:
如果你哋衡量咗風險之後決定唔食藥,而你哋擔心嘅,可以考慮進行驗孕。驗孕係檢測身體有冇hCG呢種受精卵著床之後先會產生嘅荷爾蒙,而卵子受精著床需要大概6-9日時間。所以,性行為7日後驗孕會得到初步結果,而11日後驗孕就會得到相對比較準確嘅結果。

出現甩套可能係因為安全套尺寸唔啱,或者戴嘅時候冇戴到陰莖底部。下次記得用返尺寸適合嘅安全套,全程正確使用,咁就可以安心啦 :wink:
正確使用安全套嘅方法可以參考:Login • Instagram
關於安全套尺寸,可以參考:Login • Instagram