想知係咪嚟假M

女朋友上一次月經係6月3號,佢7月4號開始胸痛,下腹痛。去到7月6號進行咗一次非安全性行為(體外射精)。7月4號至到7月7月9都有繼續胸痛同埋下腹痛,喺7月10號夜晚好似月經嚟咗。但係血量冇平時咁多,同埋好似冇排得咁暢順,要去小便嗰陣先排到血。今日7月12已經比平時少(7月10號月經嗰陣都好似平時咁樣有M痛),好擔心係咪嚟假M,同埋想知如果而家驗孕結果準確嗎?

最主要想知道點樣分辨係咪真係嚟月經,如果唔係少血到一點點就可以?

首先想你明白月經係由身體幾個繁複嘅系統互相配合而形成,所以好容易受到其他因素影響,例如荷爾蒙水平、作息、飲食、壓力、藥物等等。每人每次月經週期嘅情況,包括月經週期長度、流血日數、流血量、經血顏色同質地、經痛程度、經期/經前不適情況等等,都可能會有唔同。 :blush:

你所講嘅「嚟假M」應該係「著床性出血」,即係當受精卵喺子宮壁著床嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日。而且「著床性出血」本身都並唔係十分常見嘅情況:relaxed:

如果你擔心嘅,你哋可以考慮驗孕。驗孕係檢測身體有冇hCG呢種受精卵著床之後先會產生嘅荷爾蒙,而卵子受精著床需要大概6-9日時間。所以,性行為7日後(7月13號)驗孕會得到初步結果,而11日後(7月17號)驗孕就會得到相對比較準確嘅結果。

最後提提你哋,體外射精並唔可以作為安全可靠嘅避孕方法,建議每次性行為都全程正確使用安全套,關於正確佩戴安全套嘅資訊可以參考:Login • Instagram
或者可以同女朋友商議,考慮使用避孕藥/避孕針/子宮環呢啲避孕方法。

選用適合你哋嘅安全措施並正確使用,咁就可以安心啲啦 :smiling_face_with_three_hearts: