之前男朋友未同我一齊就話會成日自慰🥲
但係同左佢一齊先知其實佢都唔會點毛手毛腳
對性好似無咩大興趣
有時我撩到佢硬左佢都無話去到好想要既位
岩岩一齊果陣可能因為疫情我地同居左一兩個月果陣都會一個星期2-3次，有時半日就兩次，每次都係我主動，但果陣佢都有滿足到我，又有用手幫我…
依家我同佢講好想要，我地之後去左開房，佢都唔會話好似之前咁做得咁有感覺同投入可能做一陣就完左事，又唔會點幫我…
我覺得我自己未滿足到
其實佢份人除左呢樣野滿足唔到我之外就冇其他野唔好
我好肯定佢唔會出軌去搵第2啲女仔
我係好愛佢，亦都係性事方面同佢溝通過
佢話佢會努力去改下
但係其實呢樣野可以點改？
有時我好想要然後佢又比唔到我我會有種失落感
但係我唔想怪佢，因為呢啲野佢好難可以改到
我真係好想佢可以自己主動想要…
我唔知我想要果陣可以點解決，我咁樣算唔算性慾太大？
如果係我係咪可以食藥去抑制住佢？
Hello~ 多謝你信任我地，同我地分享你嘅煩惱
首先有性慾係好正常嘅事，只係每個人嘅性慾高低都唔一樣，亦受好多唔同因素影響，例如環境、壓力、身體狀況等，所以就有機會出現同另一半性事不合嘅情況
想了解下你男朋友嘅工作壓力大唔大？會唔會成日處於疲倦嘅狀態？因為就好似頭先咁講，壓力、身體狀況都會影響性慾
另外，每個人turn on (刺激性慾)嘅因素都唔一樣，有啲人可能係營造sexy vibe嘅音樂，有啲人係另一半幫佢按摩，亦都有啲人係去一個新鮮嘅地方等等。有時伴侶間一齊耐左，可能會因為好熟悉大家而令性愛變得單一、程序化，建議你可以同男朋友討論下令佢turn on嘅因素，睇下有邊啲可以加入你地嘅性愛入面
至於你提到每次性愛都滿足唔到你方面，想了解下你地有無用過性玩具？性玩具係一個好好嘅輔助工具讓我地探索自己同對方嘅身體，當選用合適嘅性玩具時，亦都可以提升性愛嘅質素，令歡愉度事半功倍
例如喺刺激陰蒂方面，單用雙手刺激可能需要較長嘅時間達致高潮，而市面上有不用種類嘅性玩具可以提升刺激度，例如震動、吸啜等，除左可以喺自慰時使用，亦都可以喺性愛時俾另一半幫自己時使用
多謝你既回覆
都係既…其實我地都做gym做到好夜
一開始我同佢都係返啲比較晏返少少既工
所以先會有咁多時間比大家抖
之前就算做完gym到凌晨都會訓夠時間
但依家可能訓得果5-6個鐘 佢又要時間適應
可能都真係好攰既
我地之後會傾下
另外有個問題想問下
事前避孕丸係咪可以係月經時去家計會買？要唔要做booking?
同埋會唔會好貴？會唔會有啲咩副作用？
唔會
好阿
溝通的確好重要 至於口服避孕藥方面，你可以到家計會/私家診所，經醫生評估身體狀況後處方。如果你係26歲以下嘅未婚人士，可以到家計會嘅青少年保健中心，佢地嘅收費會相對私家診所便宜，口服避孕藥嘅收費大概係$50-$100一排 (青少年保健 - 香港家庭計劃指導會 )。不過佢地嘅服務係必須預約嘅，所以去之前記住先打電話去預約
而如果你係26歲以上或者已婚嘅話，就可以去家計會嘅節育指導診所，依個服務就可以walk-in嘅，相關資訊可以瀏覽以下網站 : 節育指導 - 香港家庭計劃指導會
而口服避孕藥嘅副作用方面，常見喺服用初期有機會出現嘅副作用包括噁心、頭暈、頭痛、乳房脹痛、水腫及情緒轉變等，不過一般會喺幾星期內消失。另外，因為唔係每個人嘅身體狀況都適合服用避孕藥，所以建議首次服用前先諮詢醫生嘅意見，並喺服食期間定期覆診，了解返身體是否適合繼續服用。有關避孕藥嘅詳細資訊可以參閱家計會嘅網站 : 口服避孕丸 - 香港家庭計劃指導會