食完事後又內射😓

真係好擔心食事後丸都無用,所以黎呢度請教下各位:pray:t2::sweat:13號晚同男友sex全程無用套,佢外射完,隨即又插入,所以搞到有好多精子bb響我妹妹入面,完事我有即刻沖涼,但我知都無咩用。
之後14號晚9點我先食第一粒事後丸,隔咗6個鐘(即凌晨3點)同男友sex全程無用套及佢內射左,到而家我未食藥,因為趕住朝早要翻工🥲請問我中招機會率係咪好高?我要等到今晚翻屋企先有藥食,即係距離內射嘅時間相隔17小時後…請求各位解答🥲🥲:pray:t2::pray:t2:

Hello~ 想了解下你服食嘅事後丸係唔係經醫生處方嘅?另外你提到今晚返屋企先有藥食,係唔係指服食兩粒裝事後丸嘅第二粒?事後丸嘅原理係透過高劑量荷爾蒙抑制排卵,以及改變子宮環境,令精子同卵子難以結合或阻止受精卵植入子宮內壁。所以照你所講嘅情況,如果你喺服食兩粒事後丸期間發生性行為,懷孕嘅風險係相對低嘅。不過要留意,事後丸並唔能夠用作恆常避孕,一個月經週期內唔可以服用多於一次,所以如果現時未有準備懷孕嘅話,建議每次性行為時都使用安全措施,例如安全套、避孕藥或者避孕針等。

另外,因為見到你對於懷孕感到擔憂,而你提到你服食事後丸後,男朋友喺性行為時於體內射精,所以想了解下當時係唔係喺你自願嘅情況下發生?

係自己買嘅藥(Anlitin)一粒裝的,所以我15號晚9點就食第二粒。我上一個月嘅經期係6月16號黎,今個月未黎,我有咁嘅情況請問係咪都有一定嘅影響?我應該點處理好…thankyou

Hello​:smiling_face_with_three_hearts:首先想問吓你係喺邊度買Anlitin?因為事後丸喺香港係需要醫生處方嘅藥物,如果你係喺家計會,公立/私家醫院買嘅話,安全性較高。但如果你係喺藥房或者其他地方買嘅話,未必能夠確保藥丸嘅藥效,因為有時藥房會賣出一啲過咗期或者冇包裝嘅事後丸。

而是服食事後丸嘅副作用包括:頭痛頭暈,覺得嘔心,令下一次嘅月經提早/延遲嚟,所以如果今個月嘅月經係比起之前嘅月經遲咗嚟,相信係因為事後丸嘅影響。

至於月經仲未嚟嘅部份,因為都見到你兩次嘅性行為其實意外懷孕機會都比較高,所以都建議你進行驗孕。驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。所以如果你想得到校準確嘅結果,就喺性行為後11日,即係25/7進行驗孕。

當然月經周期係受到好多因素影響,例如情緒壓力,生活作息,飲食習慣,運動量等,都會影響月經周期嘅經前症狀,出血日數,出血量等。

1個讚

多謝你嘅解答:heart: