上個月尾第一次同女朋友進行親密嘅性行為。都計好係比較安全嘅日子，完M第三日。但係我好驚。
做嘅時候有戴套，但係做之前佢有撫摸我下面，有啲前列腺汁。跟住第一次戴個陣係佢幫我戴，但係我記起佢有摸過我下面，就戴咗第二個。
但係戴第二個嘅時候，發現唔夠貼，跟住佢用咗手禁啲空氣走。然後冇換到套。全程有戴套但係冇外射。
依家諗返好自己好幼稚，好自責，好驚意外。但係唔想發放負面情緒比佢知，雖然佢有安慰我機率好微。因為佢隻手掂我個陣係好乾。
佢大概會過幾日黎M，我想問下如果冇黎嘅話應該點算好。懷孕會有咩明顯症狀？
同埋男仔戴安全套嘅衛生程序係咩？
要點樣控制自己嘅情緒唔好趨向負面
Hello~多謝你嘅提問
好欣賞你咁重視你同女朋友呢段關係，唔希望佢受傷，亦都唔希望佢受到負面情緒嘅影響。不過喺愛情裏面無論任何事情都係雙向嘅，需要兩個人一齊承擔，所以呢度都建議你如果有任何嘅擔憂都可以坦白咁同另一半講，一齊商量
你亦唔需要自責同埋過於擔驚受怕～
同你解釋返先～精子暴露喺空氣中通常幾分鐘內就會死亡，而且精子需要有精液嘅保護先可以生存，所以當接觸到皮膚、紙巾等表面嘅時候，精液會被吸收同揮發，進一步減低精子嘅存活率，所以就算前列線液含有少量精子，經你女朋友嘅手再hi到安全套而導致懷孕係唔大可能嘅。除非佢接觸到對方嘅尿道球腺液 (pre-cum)/精液，又喺液體未乾嘅情況下就接觸陰部，先有懷孕嘅風險嘅。
呢度都想問番你，做完性行為之後，有冇灌水檢查安全套有冇破裂？因為安全套過短、過緊，使用嘅時候唔單止會覺得緊繃、疼痛，仲好容易破裂。如果安全套穿咗嘅話，咁就算係體外射都好，陰莖射精之前嘅尿道球腺分泌，內含少量精子，都有可能導致懷孕。所以建議當發現安全套尺寸唔合適，應該重新購買，確保安全。至於如何量度陰莖尺寸，可以參考以下網址：安全套尺寸指南 | 香港安全套專門店 - Sampson Store
https://www.instagram.com/p/CNmt0RpDzpy/?igshid=MDJmNzVkMjY=
而安全套正確嘅使用方法如下：
- 分清楚安全套嘅正反面先使用。如果唔小心將安全套反轉咗，就要開過一個新嘅安全套黎用。因為陰莖一旦唔小心接觸咗安全套出面，佢就已經被沾污，一定要用過個新嘅。
- 留意安全套有冇過期，唔好使用過期嘅安全套。
- 喺撕開包裝之前要檢查包裝有冇漏氣，打開之後要將安全套頂部嘅氣泡擠走先戴上去，留空間畀男性儲存精液，減少破裂嘅情況。
- 絕對唔可以做了一半後才戴套，因為男性喺射精之前已有少量嘅尿道球腺液流出，裏面含有少量精子，都會增加懷孕嘅風險。
- 做完之後，記得要喺陰莖仲勃起嘅時候抽出陰道，再將安全套拔出。檢查安全套有冇破裂後，再打結扔掉。
當然，暫時市面上冇100%嘅避孕方法（除非結紮），但只要做足以上嘅措施，個懷孕機率都可以去到98-99％，唔需要太過於擔心
如果你真係好擔心嘅話，可以請女朋友喺性行為嘅7日或11日後進行驗孕，驗孕棒最早可以喺性行為嘅7日後驗出初步結果，而喺性行為嘅11日或以後驗出黎嘅結果係非常準確嘅。既然你哋喺上次月經周期之後嘅第三日進行性行為，咁而家進行嚴謹嘅話個結果就已經係最準確。當然，你都可以等女朋友月經遲咗7日以上嘅時候再去驗，因為如果喺上一個月經週期懷孕，咁通常已經懷孕四週以上。如果結果係陰性嘅話，就應該係冇懷孕㗎啦，可以放心
而驗孕嘅時候記住按照說明書嘅指示進行驗孕，並且按照有效時間去閱讀結果，以確保結果嘅準確度