想問男仔去買會吾會比人覺得怪？
買來打飛機滿足性需要，用bra加潤滑油得吾得，會吾會好難洗
儲bra同under算吾算有病
我想執好衣櫃放bra同under方便用，吾洗再收埋
Hello~ 以bra/under自慰係性喜好嘅一種，而只要唔會傷害到他人同自己，都係無問題嘅
所以都欣賞你會以自購嘅方式去滿足依個性喜好
其實男仔去買胸圍都唔一定會俾人覺得奇怪，我哋以往都有聽過一啲男性分享自己去店舖買胸圍穿著，店員仲好詳細咁講解唔同款式同尺碼嘅分別添~ 如果覺得去實體舖好尷尬嘅話，都可以喺網店購買，咁就可以安心咁慢慢選購
想將潤滑液加落胸圍度嘅話，建議使用水性潤滑液，因為佢相對矽性同油性潤滑液容易清洗，只需要用清水洗一洗，基本上都唔會殘留喺胸圍上
另外，儲bra同under依個行為，只要唔影響到日常生活，就唔係一個病態嘅行為 就好似有啲人鍾意儲AV女優嘅產品一樣，只係一種個人喜好，而將佢地放喺衣櫃都係一個收藏嘅好方法阿~
有時戴Bra果陣會覺得好開心。知道自己可以放低一陣男仔的身份
雖然有少少緊身吾舒服
但上下身都係女仔野。會有種開心feel（吾係性慾）
我買bra仲要戴真係吾影響我男仔的身份嗎？
戴胸圍係唔會影響到你男性嘅身份嘅，首先想解釋下「生理性別」同「性別認同」兩個概念
生理性別指嘅係我哋出世嗰陣醫生按照我地嘅性器官外貌而決定嘅性別，例如有陰莖嘅就係男性、有陰部嘅就係女性，或者同時有陰莖同陰部嘅就係雙性咁。而性別認同就係指個人對於自身性別嘅定義，要留意嘅係，生理性別同性別認同唔一定係一樣嘅，例如生理性別係男性嘅人，佢嘅性別認同可以係女性，兩者係無衝突嘅，每個人嘅性別認同都應該得到他人嘅尊重
當然如果你嘅性別認同係男性，而想穿著女裝，都係無問題嘅，現今社會為唔同性別嘅衣著打扮加諸左唔少限制，但係其實衣著並無性別之分，只要個人穿著舒適就足夠