5月開始食yaz 大概2個月(未食曬完整一盒所以早左黎m)因為覺得有啲唔舒服所以停咗
呢個月都有帶返安全套做
3/7做過 做完有用水check過個套冇穿 不過因為之前穿過所以求個安心 14/7同17/7都驗過係negative
17/7 同男朋友做個陣都係有帶套做同埋冇射到
係咪懷孕機會都好微🥹🥹
呢一兩日有feel到子宮有啲痛 又有爆暗瘡 但係都未黎m
自從個套穿過之後都唔係好相信安全套🥲
Hello～多謝你嘅發問！
睇翻你上述所講嘅問題，首先回應第一個問題,你就話係由五月開始有服用yaz避孕藥兩個月,但係都未能夠完整食完一盒,因為呢一隻避孕藥,係需要連續每日服用24粒有效成份嘅藥丸同埋唔含有藥性嘅非活性藥丸,期間係唔需要停止服用,我哋亦都唔建議你中途停藥,如果你暫停服用嘅話,有機會造成意外懷孕嘅機會增加,而當中四日無藥期依然有避孕嘅效用,所以如果你停止服用避孕藥嘅時候,冇用到安全套,係會增加左懷孕嘅風險,而且係冇醫生嘅建議底下,突然間停藥有機會令到身體出現一啲停藥既副作用。
而第二個問題,喺進行性行為嘅時候有佩戴安全套,
亦都檢測過安全套冇漏水,咁樣懷孕嘅機會呢都相對地比較低,如果你係擔心使用安全套有機會懷孕的話,建議驗孕係最後一次性行為7日後(大概會有初步嘅結果),性行為11日或以後(會更加準確),呢個會係比較好嘅驗孕時間,同埋呢由於女性懷孕之後呢,身體係會產生一種荷爾蒙(人類絨毛膜促性腺激素),簡稱HCG,係懷孕先會出現嘅一種荷爾蒙,如果太早驗孕又或者 HCG濃度唔夠嘅話,驗孕棒亦都唔會顯示到結果。建議如果你真係擔心嘅話,可以參考我以上嘅建議驗孕時間,再進行一次驗孕。
第三個問題,佩戴安全套進行性行為,如果每次進行性行為之前,必須喺陰莖同女方嘅外陰未有接觸之前戴上，將安全套套喺勃起嘅陰莖上,咁樣嘅避孕功效可以達到87%至98%,大大減低懷孕風險。
最後一個問題,呢兩日覺得子宮有啲痛,有爆暗瘡嘅問題,關於子宮有啲痛嘅呢個方面呢,有機會係因為嚟M前排卵,卵巢會擠壓到啲成熟嘅濾泡, 卵子彈出嚟嘅時候引起嘅疼痛又或者因為嚟M時荷爾蒙改變而引致。
爆暗瘡嘅出現既原因,有機會係因為嚟M之前,我哋女性嘅荷爾蒙會受到改變,亦都有機會係因為作息時間唔定時,情緒波動又或者壓力大所引致。呢一啲因素都未必係因為懷孕所引致嘅,但如果月經一直無嚟嘅話,都可以去醫院檢查一下,唔需要經常擔心係咪懷孕呢個問題
,因為都見到你比較擔心懷孕嘅問題,而一啲避孕方法對你來講都唔係咁能夠令你安心，所以或者你可以喺你自己可以放心，或者安心嘅情況下再發生性行為，同埋建議可以參考返上面嘅建議驗孕時間再作驗孕
希望以上既內容可以解答到你既問題
如果有其他問題 歡迎提問
（Intern同學 Yee）