你好，我食左三年安意避，每晚11點食，16/7發生左性行為，17/7唔記得左食，去到18/7夜晚8點先知，即刻食左兩粒，而我suppose 25/7會黎m。
我睇盒說明書就話如果喺第三週發生呢個情況，超過12粒鐘之後先補食既話，就要食完呢一盒之後即刻接住食下一盒，唔好停個7日。但去家計會問姑娘，佢就話照停7日，唔洗即刻開新一盒，照常就得，所以我好困擾究竟聽姑娘講定說明書。
如果我唔停7日，接住食一下盒，咁我咪會keep住唔黎m然後唔知自己有冇懷孕？如果我呢幾日都唔會發生性行為，我係唔係都冇需要即刻接住食一下盒？
Hello~多謝你嘅提問
安意避係屬於21粒嘅避孕藥，除非漏食三日或以上，如果唔係嘅話只要補食返，就可以確保到避孕效果。之後如常服用就可以，食完一包之後停7日，等月經完咗之後再開新一包
多謝你回覆，即係其實說明書係唔啱既？盒藥係21粒裝就可以漏食三日嗎？
Hello~ 說明書所講嘅係一般漏服時嘅處理方法，但係因為每個人嘅情況都唔同，例如啱啱開始服藥時漏服同持續食咗幾年漏服，對藥效嘅影響都唔同，前者嘅影響會相對大，所以我哋通常都會建議諮詢返配開避孕藥嘅醫生嘅意見，因為佢最清楚你嘅體質同服食避孕藥嘅情況，所以如果你係喺家計會配開避孕藥，而見姑娘嘅時候亦都有同佢講清楚你漏服同補食嘅情況嘅話，就可以按照佢嘅建議服藥