改食避孕藥時間?

想問下,而家我食緊YAZ,食左4個月。
之前一直食既時間係5點鐘,但時間好撠,我有時唔記得咗食搞到遲食1,2個鐘,睇說明書話最好要定時服用。想問吓可唔可以自己改早到1:00 , 諗住跟住lunch就唔會唔記得,可唔可以將粒藥之後都keep住提早到1:00食?

同埋最近有試過遲咗7個鐘食,最近有流透明啡色、粉紅色既分泌物,而距離上次發生性行為係1個禮拜之,今日驗左係一條線嘅,唔知係咪遲食都有影響。

Hello~多謝你嘅提問啦!

咁睇翻你所講嘅問題,首先回應你第一個問題,你只要喺指定時間內(12-24小時)食翻,對避孕效果係唔會有影響,只要每日都有保持食避孕藥就可以,同埋你有提到食咗事前避孕藥有4個月,其實身體已經適應咗啲藥效,所以想改時間食藥唔會有太大嘅問題或者影響藥效,唔需要太擔心另外,睇到你有時會唔記得咗,而搞到遲食喇,建議可以較翻個鬧鐘:alarm_clock:提醒自己。

另外有關驗孕棒方面,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。見到你有提及你喺性行為後一星期進行驗孕嘅結果係陰性,如果你想要更精準嘅結果可以喺性行為後11日再進行驗孕。而最近你有流透明啡色、粉紅色既分泌物嘅情況有機會係黎經前嘅症狀,不過如果平日都有持續嘅流啡同粉紅色分泌物嘅情況嘅話,就建議去睇醫生了解下身體狀況。:woman_health_worker::man_health_worker:

咁最後,遲食避孕藥係唔會有影響,你只要喺指定時間內(12-24小時,根據唔同避孕藥牌子嘅指引)食翻,同埋每日都有保持食避孕藥就可以。:blush:

(Intern同學 Peter Ho)

明白,唔該晒你~