點算好!!

今日中午同男朋友做進行性行為,由於2個都係第1次,雖然有戴套但係仍有點不知所措。擔心位係我用手掂完對方弟弟之後,掂到佢嘅前列腺液後,周圍掂,更不小心地掂到安全套 ,不過隔左幾分鐘先掂到個套,咁樣會唔會有bb架?

個幾分鐘可能係2,3分鐘嘅事,點算好,我有小小膽心會有bb

Hello
首先好欣賞你哋有使用安全套去保障雙方。 :sparkling_heart:

想同你解釋返,你所講嘅液體應該尿道球腺液,係陰莖受到刺激嘅時候分泌嘅透明黏液,當中有機會含有少量精子。
而「前列腺液」係組成精液嘅其中一部分,通常唔會單獨存在,你見到前列腺液嘅時候就係精液。

精子需要靠尿道球腺液同精液呢啲媒介提供養份先生存同移動到,當呢啲液體暴露係空氣當中或者接觸其他物件之後會揮發,精子亦會好快死亡,唔會再移動。所以,如果你隻手接觸到尿道球腺液,但係有掂過其他嘢,隔咗幾分鐘之後先接觸安全套,咁樣你隻手係接觸安全套嘅時候,應該已經冇生存緊嘅精子。而如果你哋整個性行為嘅過程,由性器官接觸之前,已經有正確咁使用安全套,過程中安全套冇穿冇漏,咁懷孕風險係好低嘅。 :blush:

安全套係完美使用嘅情況下,避孕成功率有98%;而一般使用嘅情況下,避孕成功率有82%。如果避開導致安全套失效嘅因素,例如儲存不當、破損、尺寸唔啱、冇正確佩戴等,可以正確咁使用,係可以大大減低懷孕風險,而且可以減少性病傳播或者其他感染(例如念珠菌感染、尿道炎、龜頭炎等)嘅風險嘅。
關於安全套嘅正確使用方法可以參考:Login • Instagram
可能導致安全套失效嘅原因可以睇下:https://www.instagram.com/p/CM4ereiDmIl/?utm_source=ig_web_button_share_sheet

下次再發生性行為嘅時候,可以考慮佩戴安全套之前洗乾淨手,咁就可以更加安心啦~ :relaxed:

如果你依然擔心嘅,可以考慮打避孕針或者食避孕藥,配合安全套一切使用,增加避孕成功率。避孕針要由醫生檢查,認為身體情況適合先會幫你注射。而避孕藥雖然容易買到,都建議食藥之前睇下醫生,檢查下身體係咪適合同埋適合邊款避孕藥。有需要可以去家計會診所/母嬰健康院/部分私家診所預約。 :woman_health_worker:t2: :man_health_worker:t2:

如果你依然擔心嘅,都可以考慮同男朋友商量,喺你準備好之前,唔好發生任何插入式嘅性行為住。但你準備好先進行。 :wink:

1個讚

我咁樣嘅情況,應否食用事後藥,事後藥好傷身,但我又有少少驚,打電話去家計會又冇期俾我上去食藥

我呢幾日應該係會黎m,應否等多幾日呢?但人地黃金120小時,好膽心添

Hello~你呢個情況懷孕機率係好低嘅,因為好似上面嘅同事咁講,精子接觸到皮膚同埋其他物品嘅表面係會加速死亡嘅,所以客觀嚟睇,有精子係經過咗你周圍掂嘅情況後再進入陰道嘅機率好微,所以唔需要太擔心,一般來講係唔需要服用事後丸嘅。:heart:

不過當然,如果你真係好擔心,想100%肯定唔會懷孕, 咁可以考慮服用事後丸。不過都要提一提你,事後丸係一個月經週期內最多只能服用一次,而副作用都係比較大嘅,有機會令月經變得混亂。服用之前記住諮詢醫生嘅意見:smiling_face_with_three_hearts:

聽左你地嘅意見後,我最後決定冇食事後,但過左咁多日都未黎M( ; ; ),我係咪應該要check下有冇bb啊?

Hello~多謝你嘅發問

首先,你話月經好多日都冇嚟,其實有好多唔同嘅原因,例如:作息唔定時,壓力大,食過藥….所以就算月經遲嚟都唔一定係懷孕嘅,如果你有擔心嘅話都可以驗孕,因為睇返你對上一次性行為都係17日之前,而驗孕棒喺性行為嘅11日或之後驗出嚟嘅結果都係好準確嘅,所以而家驗既準確程度都好高,所以如果你而家驗出嚟係陰性嘅話,懷孕機率都唔高。希望我上面嘅回答可以解答到你嘅問題,咁你仲有疑問嘅話都可以再留言。

(Intern同學 Yee)