30歲從未打過飛機,對睪丸排精有冇影響

本人都有30歲但一向都很宅,從青春期起到現在都未試過看a片打飛機/自慰,對性愛唔算感興趣,直到近年開始識左而家既女朋友,一齊左半年發生左首次既性關係,一除褲女友就嚇親我的JJ短少並龜頭全被包皮包圍,話我唔割包皮怎樣去排尿,但女友明白我,仲幫我打左好耐飛機,感覺係舒服,JJ都搓左好內先勃起但龜頭都仲未外露,亦無射精既表現,亦很快會軟返,女友嘗試幫我露出龜頭,但感覺疼就叫停,所以我地初次做愛都沒有插入。
我有需要去檢查下睪丸或割包皮嗎?
還是我而家勤力點打多D飛機會有幫助?謝謝

Hello~ 無自慰並唔會影響性功能嘅,精子都係細胞嘅一種,而無被排出嘅精子會自動分裂,然後被身體吸收,所以並唔會出現過多精子積存喺體內嘅問題:blush: (參考資料: What Happens If Sperm Isn’t Released? 17 Things to Consider) 而有無需要自慰,只在於個人感覺,如果喺無自慰嘅情況下,個人無仼何不適嘅話,咁自慰並唔係必須嘅:relaxed:

至於你提到有無需要割包皮方面,你可以先通過反包皮依個動作自我評估下:speech_balloon: 正常嘅包皮係可以上下移動,並且移動後可露出龜頭嘅,不過如果你以往無自慰/反包皮清潔陰莖嘅習慣的話,頭幾次反嗰陣可能會有啲難,亦都有機會有疼痛感:persevere: 所以建議循序漸進地嘗試反,同埋盡量喺有潤滑嘅情況下反,例如沖涼嘅時候,或者喺陰莖塗抹潤滑劑。如果嘗試過都係無辦法反落去,又或者反嘅時候有劇痛嘅話,就建議儘速去睇醫生,了解下有無需要割包皮:man_health_worker:t2:🧑🏻‍⚕ 過長/過緊嘅包皮容易積藏污垢,長遠而言有機會導致性器官細菌感染,亦都容易因磨擦而造成痛楚,所以檢查個人嘅包皮是否正常係好重要嘅:bulb:

1個讚

多謝你的解答,想問下JJ敏感度係唔係同年紀及自慰因素有關?

Hello~隨着年紀增長,身體機能有機會會出現衰退,當然陰莖嘅敏感度都有機會減退。而陰莖嘅敏感度好多時候都取決於神經線嘅分佈,而呢樣嘢係天生嘅。不過太敏感其實都唔一定係好事,有人會因為龜頭太敏感,而冇辦法忍到自己期望嘅時間先射精,即係早洩,需要透過控制手機的訓練,或者使用有延遲射精功效嘅潤滑劑去改善。

至於自慰其實係一個了解自己嘅過程,通過唔同嘅自慰方式,例如用唔同類型嘅飛機杯同埋潤滑劑,或者撫摸身體其他部位,例如耳根,大腿內側,胸部等等。從而明白自己對於唔同類型嘅刺激會有咩感覺,搵出最適合自己嘅自慰或者性行為方式,亦可以增加情侶之間嘅情趣,同埋性興奮嘅感覺。

市面上亦都有好多唔同類型嘅性玩具或者服裝,可以俾你去嘗試同埋選擇。不過記得喺進行任何形式嘅性行為之前都必須要達到雙方共識,過程之中都要坦白咁表達自己嘅意見同埋詢問對方嘅感覺。

良好嘅溝通係提升親密度嘅關鍵,你亦都唔需要因為自己嘅年紀或者自慰次數而自卑,就算身體機能未預期,都可以通過練習同技巧去提升兩個人之間嘅親密度㗎:heart: