咁會唔會有bb?

頭先男朋友用手幫我,佢好似摸完佢下面就即刻摸我下面,唔知佢手指會唔會殘留啲前列腺液,佢先摸我外陰位置,摸咗一陣手指插咗入陰道一下,全程冇戴套,佢下面同我下面冇直接接觸,想問下咁樣會唔會有咗? 同埋我今日好似嚟咗少少M,有好少量血跡,感覺聽日或者後日就會嚟,咁如果聽日或者後日嚟咗M,係咪即係我冇懷孕?

Hello~多謝你嘅發問!

首先睇翻你第一條問題先,你男朋友摸完自己下邊再摸你下面,手指有機會殘留左一啲前列腺液,雖然懷孕嘅機會唔高,因為裏面含有嘅精子含量唔多,冇平時精液裏面嘅精子咁多,但係仍然都唔建議咁樣做,一因為始終係冇用安全套,同其實精子係可以喺陰部到存活兩至三日,雖然懷孕機率唔高,但都應該佩戴好安全套,否則會增加左患性病嘅風險。

首先啦你話覺得自己嚟咗M啦, 但嗰啲其實有機會吾係M嚟既,有機會係性行為當中潤滑唔足夠,又或者可能係手指甲太尖或者太長,唔小心整損咗,而導致出血,但係嚟M都有機會痛整損咗出血嘅時間重疊,可以留意吓血嘅顏色(會唔會係鮮血同會吾會有痛楚),要更著重清潔,否則有機會會細菌感染,亦都應該暫時停止進行性行為,同埋其實就算你準備嚟M都好啦,但係排卵期同嚟M都有會懷孕既風險,衝紅燈都未必一定係安全,所以建議你喺進行任何性行為嘅時候全程都一定要佩戴好安全套,亦都可以同時避免傳染性病。如果真係嚟左M既話,懷孕機率都會較低,不過如果都係擔心嘅話,建議可以驗孕,係最後一次性行為7日後(大概會有初步嘅結果),性行為11日或以後(會更加準確),呢個會係比較好嘅驗孕時間,同埋呢由於女性懷孕之後呢,身體係會產生一種荷爾蒙(人類絨毛膜促性腺激素),簡稱HCG,係懷孕先會出現嘅一種荷爾蒙,如果太早驗孕又或者 HCG濃度唔夠嘅話,驗孕棒亦都唔會顯示到結果,希望以上嘅內容可以解答到你嘅問題。

如果有其他問題 歡迎提問

(Intern同學 Yee)