事前避孕藥問題

我女朋友已經連續食咗避孕藥三個月 想問食下一排藥嘅頭7日仲需唔需要用安全套?Thank you!!

Hello~多謝你嘅提問:smiling_face_with_three_hearts:荷爾蒙事前避孕藥喺第一次服用嘅時候,先需要喺頭一個星期配合使用安全套。而當身體已經建立咗藥效,例如已經食咗三個月,咁只要冇漏食,冇間斷,就唔需要配合其他外在嘅避孕方法。不過如果你女朋友最近身體有唔舒服嘅情況,有同時服用其他藥物,例如抗抑鬱藥或者抗生素等等,咁就最好同時使用安全套,避免因為藥物嘅作用影響咗避孕藥嘅成效。