食Yaz 月經嚟唔停

而家我啱啱開第二排嚟食
我上一排食到第三粒白色就開咗嚟M
去到第6日開始得返少少M
但係到今日第8日都仲未完
每日都有啡色血 但係量好少得一兩滴個種
係唔係正常

Hello~多謝你嘅提問:heart:因為避孕藥係高劑量嘅荷爾蒙藥物,所以有機會導致內分泌失調,令月經延遲或者延長。而避孕藥嘅效果係希望欺騙身體已經排卵(實際上係冇排卵嘅),從而令到子宮內膜增厚,當停藥嘅時候就會出現月經,亦即係撤退性出血嘅情況。而喺呢個情況下月經量通常都唔會好多,就算得幾滴都係正常嘅,唔需要擔心。呢啲副作用通常會喺服用避孕藥嘅幾個月之後緩和或者消失,但如果情況持續就需要查詢醫生啦!

我係有正常月經量 但係一直停唔到

Hello~呢度都想問番你,你喺食避孕藥之前有冇搵婦科醫生做一個詳細嘅檢查,確認身體嘅狀況係適合呢隻藥嘅?因為好似上面咁講避孕藥係荷爾蒙嘅藥物,有機會令到月經週期變長,加上你係第一個月食,都需要比身體一啲時間去適應。當然,月經日數太長(超過10日)係唔正常嘅,除咗有機會係藥物嘅作用之外,有可能受壓力過大,體重過輕,睡眠不足等因素所影響,亦可能係一啲性器官疾病嘅徵兆,例如子宮息肉或肌瘤等等。如果之後情況持續,或者比較擔心,都建議你去睇醫生,做個詳細嘅檢查。因為淨係透過文字,我哋好難去判斷你嘅情況,搵醫生做個專業嘅診斷就最安心啦:heart:

我食之前有去家計會問姑娘意見 食頭一個月嘅時候月經好正常但係今次耐咗

咁嘅話,建議你可以去家計會約時間見多次姑娘,話俾佢聽你嘅情況,商討睇吓使唔使停藥,或者轉食另一個牌子嘅避孕藥🫶🏻

如果嗰邊有你嘅數據,咁姑娘嘅建議就最可靠同埋可信啦!