係咪好危險 🥺

大概五至六日前有性行為,有用避孕套同加水做測試。但第一二次嘗試載上去嘅時候掉轉咗方向。雖然最後載得正確,但係變相兩面都掂過個頭。雖然嗰時冇乜嘢分泌物,但係之後都有啲擔心

最近呢幾日有啫喱狀分泌物,上網睇好似話係排卵期嘅徵狀,又話排卵期前後七日都算係危險期

本身已經係咁諗住,而家更加驚 :pleading_face: 我依家嘅狀況係咪好危險?

謝謝 :bowing_woman:t2:

Hello~多謝你嘅發問!

首先睇翻你第一條問題先,首先啦雖然你有用避孕套同埋加水做測試,但係因為你一開始嘗試嘅時候又掉轉咗個方向,雖然戴嘅時候正確,但係因為你兩邊都掂過,建議你下次可以分清楚正反面先戴,如果發現咗戴翻左就直接換一個新嘅,避免有懷孕同患有性病嘅風險。你話見唔到有分泌物,但係有機會有陣時有啲分泌物係比較難用肉眼去分辨到嘅,雖然懷孕機會唔大高,但係都唔係話冇呢個機會,分泌物同女性荷爾蒙有密切嘅關係,顏色同埋黏度會隨著生理週期有所變化。一般,每個月嘅經期結束後2~3天分泌物會比較少,但越接近下次排卵期就會慢慢變多,到排卵期時會有類似生雞蛋蛋白的透明黏稠果凍狀嘅分泌物。排卵期之後分泌物嘅量會逐漸減少,之後會變成濃稠嘅黃白色分泌物。咁樣嘅變化就是女性荷爾蒙分泌正常進行緊嘅證明,做出容易接受精子嘅狀態。如果都係擔心嘅話,建議可以驗孕,係最後一次性行為7日後(大概會有初步嘅結果),性行為11日或以後(會更加準確),呢個會係比較好嘅驗孕時間,同埋呢由於女性懷孕之後呢,身體係會產生一種荷爾蒙(人類絨毛膜促性腺激素),簡稱HCG,係懷孕先會出現嘅一種荷爾蒙,如果太早驗孕又或者 HCG濃度唔夠嘅話,驗孕棒亦都唔會顯示到結果,如果下次再有類似情況,而你又未有懷孕嘅打算,可以考慮吓緊急避孕丸,不過一定要無避孕防護下發生性行為後嘅 72 或 120 小時內服用,希望以上嘅內容可以解答到你嘅問題。

如果有其他問題 歡迎提問

(Intern同學 Yee)

謝謝你的回答:bowing_woman:t2:

我買咗驗孕棒,性行為7日後check 咗一次係negative
諗住等到夠兩個禮拜再check多次。但係我今日體驗孕棒diescription 好似講到係period冇準時來嘅時候先用 :thinking::thinking:
係咪有分好多唔同種嘅驗孕棒,定係其實都係一樣原理只係instruction 寫嘅方法唔同?
Thanks!

Hello~多謝你嘅發問!

首先見到你提及過性行為之後check過一次係negative,你諗住等夠兩個星期再check多次,你見到一啲驗孕棒講到係Period吾準時嚟嘅時候先用,你亦都提及到會唔會係每一個嘅驗孕棒有唔同方法使用其實係嘅,每一隻牌子檢測嘅時間同使用方法都會吾同既,你可以根據返驗孕棒上面嘅說明書去驗孕,之前我哋曾經講過話7至11日後驗,因為HCG水平係會隨着時間嘅增長而更加多嘅,都會驗到有無驗孕,而有啲驗孕棒亦都會話未能夠準時嚟M嘅時候(預計嚟M嘅時候)去驗,係因為HCG水平會因應時間嘅長度keep住上升,係呢個時間驗HCG水平會更高亦都會係更加準嘅。如果你擔心驗孕嘅結果唔準確嘅話,可以喺預計嚟M嘅日子再驗多一次,又或者你可以轉用另外一隻牌子嘅驗孕棒再驗一次,如果都係陰性嘅話就無需要擔心懷孕嘅機率喇:see_no_evil:

希望以上嘅答覆可以幫到你!

(Intern同學 Yee)

唔該晒你,我可能去買另一隻試吓。留返依家果盒到period 差不多到時先再用。thanks!