Condom甩左

做完之後拎出嚟個陣見到男朋友莖部附近有精,同埋發現condom唔見左,先知係我陰道,體位係女上,拎出嚟個陣冇㩒住個套就咁…

第二次既時候都係原來condom甩左係附近,但就冇射,中間變左冇套 :slightly_frowning_face:

一般月經周期係30日,好準,對上一次係14號月經開始,請問需唔需要緊急避孕?上年試過condom穿左,以為食過一次,食密會唔會身體唔好?

今次事後有用水check 過condom冇穿,但掉落🥲

Hello~多謝你嘅提問!首先你提到喺第一次進行性行為嘅時候安全套甩左,同埋好明確咁見到陰莖附近有精液。如果想搵合適嘅安全套尺寸,其實都好簡單。 安全套一般會以【 寬度 (Nominal Width)】或者【 直徑 (Diameter)】去顯示:

寬度 (Nominal Width) 【歐美/香港常用】

  • 安全套擠扁時橫向嘅長度
  • 數值上係圓周 (Circumference) 嘅一半
  • 量度陰莖充血時/物件根部嘅圓周,將圓周數值除二就會得到【寬度】嘅數字

直徑 (Diameter) 【日本牌子常用】

  • 安全套放平時圓形的直徑
  • 算術上 直徑 x 3.14 = 圓周
  • 量度陰莖充血時/物件根部嘅圓周,再除以3.14,就會得到【直徑】嘅數字

如果過往買安全套之前,都未試過度陰莖尺寸的話,建議可以先度度陰莖嘅圓周,量度嘅方法,就係當陰莖勃起嘅時候,可以用一個卷尺(或類似嘅物件,如繩),圍陰莖一圈,去得出陰莖嘅圓周。然後將 圓周除2,就係安全套所指嘅闊度 。因為安全套係有彈性,所以就可以選擇比實際尺寸細少少嘅安全套款式,比較可以避免安全套滑落嘅情況。安全套嘅詳情可以參考:糖不甩 Sticky Rice Love on Instagram: "上一個post分享咗10個容易令安全套失效嘅原因,而用咗唔啱尺寸嘅安全套係其中一個好常見嘅原因🥺,所以今次就同大家分享買安全套之前要點樣量度同揀合適自己嘅尺寸~ 同揀衫一樣,揀安全套都要由量度將要使用安全套嘅物件(例如陰莖或者性玩具)嘅闊度同長度開始📏。要留意返大部份安全套嘅量度單位係毫米(mm),所以使用軟尺量度嘅時候要記住轉換返個單位。  💫 【闊度/寛度 Norminal Width】量度陰莖/物件最粗嘅位置(通常根部)嘅圓周,再除以2(可以想像將安全套㩒偏橫向嘅長度) 👉例子:軟尺上量度嘅圓周係10cm,首先將數字乘以10,10 X 10 =100 (mm)。100 除以二,100/2 = 50mm,就可以得出安全套嘅闊度。  💫 【直徑 Diameter】量度陰莖/物件最粗嘅位置(通常根部)嘅圓周,再除以3.14。 👉例子:軟尺上量度嘅圓周係10cm,首先將數字乘以10,10 X 10 =100 (mm)。100除以3.14,100/3.14 = 31.8,就可以得出安全套嘅直俓。  💫 【長度】由陰莖/物件嘅根部量度到頂點 👉例子:軟尺上量度嘅數字係12cm,就要將數字乘以10,12 X 10 = 120 (mm)。 不過大部份安全套都有足夠嘅延展性,所以好少會有唔夠長嘅情況出現(大家可能都見過有人用安全套嚟吹波,證明係可以包覆到有一定嘅長度嘅)。同一時間,亦唔少安全套牌子係無喺包裝上特別列明長度嘅數字架。  另外安全套所屬嘅品牌國家唔一樣,都會有唔一樣嘅尺寸參考~歐美同香港品牌通常都會標示【寛度】,而日本品牌就通常會標示【直徑】。有時亦會見到個數字後面寫住「± 2mm」「± 5mm」等等,例如:「寛度58±2mm」,就代表呢個安全套可以被量度為56~60mm嘅物件使用。  💫 購買小貼士 1️⃣ 尺寸要預先量度先至會知😏,所以都建議大家係屋企預先度過尺寸至去唔同生活用品鋪頭又或者sex toy shop購買~  2️⃣ 另外都明白大家情到濃時,可能會好突然或者即興要買安全套,又或者啱啱好用完手頭上嘅安全套,想嘗試下唔同新嘅牌子同款式。係呢啲情況下買嘅時候,都建議唔好買太大數量嘅包裝,因為都唔知道自己又或者對方適唔適應😟。而且即使標明係同一個尺寸,唔同牌子或者唔同材質所造嘅安全套係佩戴之後都可能有唔一樣嘅體感🚨。所以都建議買返1~3片裝試一試先,啱用再大手購入~  3️⃣使用安全套嘅時候,佩戴後嘅感覺應該係唔鬆唔緊,啱啱好貼住至係合適🧣~ 如果因為尺寸太大或者太細,就有可能令安全套係過程中破損💥。詳情可以睇返我地上一篇文:10個令安全套失效嘅原因!  4️⃣ 依家有越來越多嘅安全套牌子,有啲未必會係包裝上標明尺寸,例如闊度、直徑、長度... 但好多成人用品商店都會係佢地網站列出呢啲資料,係購買之前都可以自己搜集下資料了解下先,或者直接去門市向向店員查詢🙋🏻。  希望呢個post 可以幫到大家了解量度尺寸都有唔同要留意嘅地方,減低係用安全套嘅時候出現突發嘅意外啦🦺~  TEXT: CLAIRE ——————————————— 糖不甩|性教育|網上性健康平台💛 對性/性別/關係...有疑問?想搵人傾下? 糖不甩討論區隨時ready答你問題!識揀,一定揀糖不甩! Discuss.stickyricelove.com   #stickyricelove #糖不甩 #sexeducationhk #性 #性教育 #gender #relationships #sex #hksex #hklove #hkboys #hkgirls #安全套 #condom #套套 #安全套爛咗 #安全套爆咗 #安全套尺寸 #大碼套套 #SlimFit套套 #SRL安全套"

就目前情況安全套係因為尺寸唔啱所以甩左喇,既然嘅你哋可以選擇一個合適嘅尺寸,咁就可以避免到安全套甩左嘅情況。

然之後進行你提到第二次進行性行為冇射精,但係陰莖同陰道之間係無用安全套嘅情況底下有接觸到,都會有懷孕嘅風險嘅,因為陰莖係性興奮狀態之下分泌尿道球腺液,而尿道球腺液含有少量嘅精子。你哋可以考慮下需唔需要進行緊急避孕。建議你可以去食事後丸,但係要留意返事後丸係香港係需要醫生處方嘅藥物,因為唔係每個人嘅身體同情況都適合透過事後丸做緊急避孕,而且亦有分不同種類(72小時vs120小時內要服用、一粒裝vs兩粒裝等),所以都建議你食之前要見咗醫生先。由於緊急避孕藥係唔可以喺同一個月經週期內服食多過一次嘅,係因為緊急避孕藥嘅副作用較大,所以都唔建議用作恆常嘅避孕措施。事後丸並不致於造成不孕,但由於它的確會擾亂往後的經期及排卵期,又有可能引發兩次月經之間的陰道出血。再加上唔同女性嘅體質差異,自然排卵的恢復時間會唔同。|
有關於事後丸喺邊度有呢!?
青少年保健中心收費:青少年保健 - 香港家庭計劃指導會

婦女健康服務收費:婦女健康服務 - 香港家庭計劃指導會(只係適用於26歲或以上、或已婚人士)

青少年保健服務預約(由於網上預約暫時未恢復,需要致電預約):青少年保健 - 香港家庭計劃指導會

婦女健康服務網上預約: 服務要求 - 香港家庭計劃指導會 (只係適用於26歲或以上、或已婚人士)

家計會會需要登記你嘅身份証,所以記得要帶證件呀!而通常佢哋係需要收現金嘅,所以記得帶夠現金。價錢方面可以參考佢哋嘅網站,或者預約嘅時候,職員都會提你要帶大概幾多錢。

我亦都睇到呢你比較擔心緊急避孕藥嘅副作用,如果再次有安全套甩左嘅情況發生,咁其實仲有其他事前避孕方法可以保障翻自己,例如口服避孕藥(每天定時服用避孕藥,但此方法沒有辦法避免通過性接觸傳播的疾病。),避孕針(一個月注射一次的混合荷爾蒙避孕針含有兩種人造荷爾蒙,分別是雌激素和黃體酮,不是每個女性都適合使用,用之前必需徵詢醫生的意見。)等等嘅事前避孕方法。

(Intern同學 Peter)

咁第一次甩既時候? 風險大嗎

Hello~多謝你嘅發問!

你第一次係安全套甩咗,同時都發生咗體內射精,最後發現安全套留咗喺你體內。根據呢個情況,有機會喺發生性行為期間安全套已經甩咗出嚟,或者係男朋友將陰莖拔出陰道嘅時候整甩咗,呢兩種情況都可能導致咗精液同陰道/陰道口有直接嘅接觸,所以都會有一定嘅懷孕風險。

如果你衡量完風險決定唔進行緊急避孕而又擔心嘅,呢到都建議你用驗孕棒檢測一下自己有冇懷孕。因為驗孕棒係透過檢測尿液中嘅人絨毛膜促性線激素(hCG)濃度去判斷有冇懷孕,而只有受精卵着床成功嘅女性身體先會分泌hCG,卵子受精著床嘅過程需要大概6-9日,所以通常最後一次性行為七日後會有個初步嘅結果,而11日後就會有一個準確啲嘅結果。

希望以上嘅答覆可以幫到你!

(Intern同學 Nicole)