求問~會不會有風險?

您們好:
今朝與女朋友有親密接觸,我扭腰隔著內褲在約莫她的陰部的陰蒂附近摩擦(我們都有穿著內褲),過程中她的內褲濕掉了,我的內褲也有濕,但不曉得是我的pre-cum(尿道球腺液)還是她的愛液,我女友的M預計是七天後(8/7)會來,上次M是7/10~7/15,但她在7/9有食事後丸,想請問:

  1. 在女友有著條內褲的情況下,我隔著內褲用陰莖摩擦,會不會有造成懷孕風險?
  2. 我摩擦後有用食指和拇指碰了一下內褲濕掉的部分,因為怕有沾到pre-cum,所以在床單上抹了抹,隔了10分後,用手指愛撫女友陰蒂至高潮(沒有插入),這樣是否有懷孕風險?
  3. 按照週期今天應是安全期,但有沒有可能因為月初食事後丸,導致延後排卵,造成現在不是安全期?
  4. 這樣的狀況有需要食事後丸嗎?

麻煩您們了,感謝!!

補充,過程中都沒有射精,請問這樣風險大嗎?

Hello~多謝你嘅發問!

首先睇翻你嘅第一條問題,你地都有著住底褲嘅情況下,你用陰莖磨擦,其實唔洗咁擔心。雖然陰莖係性興奮嘅時候通常都會有尿道球腺液嘅流出,當中亦包含少量嘅精子,但精子需要精液嘅保護先可以生存,精液接觸到空氣或者物質表面個陣會被吸收,所以會降低精子嘅存活率。睇翻你所講,尿道球腺液所含嘅精子數量好少,加上條底褲會吸收左尿道球腺液嘅液體,所以懷孕嘅風險唔大。

睇下你第二條問題,因為精子暴露係空氣中通常幾分鐘就會死亡,所以你隔左10分鐘先用手指接觸女友嘅陰蒂,加上你有係床單抹左,尿道球腺液就會透過空氣同床單揮發左,所以精子好大機會已經死亡,因此唔會有懷孕嘅風險。

而第三條問題係關於安全期啦,因為安全期只係一個科學嘅數字,每個人黎月經嘅時間都唔同,有太多外在同內在嘅因素影響月經,例如情緒波動,荷爾蒙變化,生病同生活作息有改變等等,除此之外,你女朋友之前食事後丸都會對月經週期帶黎影響,例如會令月經早左或者遲左,經血變多等等,所以有機會本身嘅安全期,排卵期都已經唔同左。

總括而言,你女朋友嘅懷孕機會唔大,所以唔需要食事後丸,而且唔建議一個月經週期食多過一次事後丸,因為事後丸含有高劑量荷爾蒙,如果真係太擔心嘅話可以考慮下驗孕。

想驗孕的話,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。

(Intern同學 tommy)

多謝您的回答!那總括來看,可以話此次情形係無懷孕風險嗎?
宜家好驚好緊張…

懷孕係要精子進入體內同卵子相遇、卵子同精子結合、受精卵著床先會發生。

喺你哋嘅性接觸期間,冇含有精子嘅體液,即係精液同尿道球腺液(pre-cum),冇接觸到陰道/陰道口,唔會有精子進入到體內,因此唔會造成懷孕。

建議你哋下次再發生性接觸嘅時候,掂到性器官之前清潔乾淨雙手。可以考慮使用指套,同埋即使唔係發生陰道陰莖插入式嘅性行為,都可以考慮使用安全套,咁就可以更加安心啦。 :smiling_face_with_three_hearts:
可以參考:
https://www.instagram.com/p/B57ZtvGlckR/?utm_source=ig_web_copy_link
https://www.instagram.com/p/B4EX0FVFLUf/?utm_source=ig_web_copy_link

那兩人陰部都隔著底褲摩擦一下下嘅部分係咪亦無風險??

Hello~ 係阿,就好似我哋以上嘅回覆咁講

所以呢個情況懷孕嘅風險係好低嘅:blush:

我女友黎M了!唔該妳幫忙,減輕左好多擔心:pray: