Yaz副作用

之前嚟m一直冇痛or頭暈
五月食過一次事後開始成日頭暈
嚟m開始痛同想嘔
打算調經 7月17號開始食yaz
13號開嚟M到20號 1920之後啲血係黑黑地
Keep住到7/30
7/31sex完之後m巾全部都係鮮血 多到底褲邊都有
請問係正常反應?
如果唔係應該即刻停藥定係食埋嗰包先停

hello
想了解多少少資訊先,你開始食藥之前有冇睇醫生,檢查咗身體情況先? :face_with_monocle:

事後藥因為含有高劑量嘅人造荷爾蒙成份,所以有機會影響1-2次月經嘅情況。而事後藥導致頭暈嘅副作用,理應食完事後藥2-3日就消退嘅。不過如果你話「五月食過一次事後開始成日頭暈 嚟m開始痛同想嘔」 :confounded:,咁就唔肯定係唔係同事後藥嘅副作用有關。而且如果你之前一直都冇經痛嘅情況,而家有,而且情況較嚴重嘅話,建議都要搵醫生做呀檢查,睇下有無病理性嘅原因(例如子宮/卵巢/內分泌問題)導致呢啲情況出現。 :pleading_face:

雖然避孕藥好容易買到,但係並唔係每個人嘅身體情況都適合食;而且每款避孕藥含有嘅人造荷爾蒙成份同劑量都唔同,如果你想調經嘅話,更加要諮詢下醫生意見,睇下自己嘅身體係咪適合、適合邊款避孕藥。如果你未睇過醫生就食嘅,建議你可以諮詢返醫生建議。

初時服藥嘅時候身體適應緊藥物,有機會出現流啡(甚至偏黑色)或者少量出血嘅情況,當經過1-3個月身體適應咗藥物,副作用就會消退。不過有啲人可能需要更加長時間適應,又或者有啲人需要轉幾次藥先搵到最適合自己嘅嗰款藥。

但係如果好似你所講嘅,有比較大量嘅出血情況,建議你盡快預約家計會診所/母嬰健康院/部分私家診所睇醫生,了解下自己嘅身體情況。 :woman_health_worker:t2: :man_health_worker:t2: