其實佢係咪呃緊我

我同呢個男仔 date 咗一個月多啲,所有嘢都好似好穩定。我哋每日都會傾計,會互相share生活點滴。講嘅話題都好 deep & personal,甚至會分享大家經歷過嘅嘢 trama 等等。我哋亦都好快就開始傾緊想確定男女朋友關係。

上上個weekend我哋第一次有性行為(呢次亦都係我第一次未確認關係就有性行為)。
其實我最開頭都好猶豫同埋驚,最後我哋都係做咗

之後我哋好似平時咁text,都無乜異樣。但係從對話中得知佢最近壓力好大。佢有定期睇開 therapy,佢喺最近一次睇完後好唔開心。我前一兩日有啲擔心佢,所以打電話俾佢

起電話度佢話佢最近一兩日同佢爸媽 & ex contact, 想有個closure。
話自己呢段時間完全冇用social media。但係佢一直都有覆我 message, 而且同之前覆嘅時間 tone etc 無乜分別 :woman_shrugging:t2:

佢跟住話唔肯定自己係咪準備有新嘅 commitment。佢同我道咗幾次歉,話所有嘢係佢 initiate 但最尾想 turn down

我起電話到叫佢唔好諗咁多,搞掂自己 trama 先 加安慰咗佢一陣。

咁我諗住呢個會係goodbye call 啦,但係起電話最後佢又話我係佢起香港遇過最好嘅人 (佢唔係local) & 想 keep contact。又話佢想過一兩個禮拜等佢好返啲後再contact & 見面 … 又話希望我唔好同我哋嘅 mutual friend 提起我哋之間嘅嘢

我起電話到無再講太多,收咗線之後自己喊。冷靜返嘅時候諗返成件事,我覺得好多位都好怪

今日我用緊instagram 見到佢個account,我好subconscious 咁unfollow 咗佢 :see_no_evil:

我已經唔知應該點看待佢,心情都好反覆 :frowning:

可以俾吓意見我嗎?thanks!
(sorry for the long text!)

Hello~ 感覺到你對於宜家嘅狀況好迷茫,好想釐清同對方嘅關係:thought_balloon: 亦都因為大家之前發生過親密行為,但其後對方始乎唔想同你有commitment,所以可能令你感到失落同疑惑:pleading_face: 而其實見到你都好care對方嘅感受,所以當對方同你講咗佢嘅情況之後,你首先做嘅係安慰對方,而唔係怪責佢:speech_balloon:

至於想知道對方有無講真心說話,喺呢樣野之前,想了解下點解你覺得對方係講緊大話?係因為對方之前嘅舉動令你覺得唔可靠?定係過往有其他同今次相似嘅感情經歷?因為其實要知道對方嘅真實想法,最直接確切嘅方法都係問對方,但係如果你覺得對方嘅說話唔係出自真心嘅話,無論對方點樣回答都可能會令你覺得可疑:face_with_raised_eyebrow: 所以喺問對方之前,首先要釐清自己對對方嘅諗法。

而除咗問對方之外,你亦都可以同對方表達你對於佢呢個行為嘅感受。見你始乎一直都未向對方表達你嘅想法,雖然顧及咗對方,但就忽略咗自己,事實上你嘅感受,無論係正面定負面,都值得被尊重同關顧,喺無被對方回應嘅情況下,可能會令你對對方產生更多負面嘅想法,所以鼓勵你嘗試同對方表達你嘅感受同情緒:two_hearts:

多謝你嘅回覆!

其實我主要係因為以下幾樣令我懷疑佢講嘢信唔信得過:

  • 佢一直都有喺social media 同我有interaction, 而且佢個tone etc 同之前無乜分別好consistent
    (包括佢話自己好唔開心無online 過嘅嗰幾日)

  • 佢 initiate 想確認男女朋友關係,又話想我應承佢exclusive。但到我最後肯exclusive 後,佢一提到確認男女朋友關係嘅話題佢就係到兜圈。
    我唔係話一定要rush住有commitment,但係佢咁答令我覺得,佢只係想令我信佢多啲。佢想做乜我會容易啲應承。

  • 佢起電話度自己自從返黎香港無屋企人起身邊有d depressed,有commitment issue。但係佢開始reach out 我嘅時候就正正係佢返黎唔係好耐。咁佢又點解要講咁多嘢要make it serious

  • 明明佢起電話度都話自己唔ready去commit, 又話因為我地之間嘅嘢好唔鍾意自己。但係又講到好想繼續見 …

我覺得依家嘅感覺仲差過真正分手,喊都唔知點解自己喊… 因為我哋之間相處唔係有乜問題,佢又未係我邊個
我好唔開心,但係又無嘢可以做到
我覺得自己依家開始對身邊嘅人有trusting issue…
我以為自己情緒好返小小,但係今日好似仲差過之前

而且佢起電話度都講到自己未ready,我再contact 佢都唔知點同佢講 …

多謝你同我哋分享咗咁多你嘅想法:thought_balloon: 的確對方曾經同你親近過,亦都俾你感覺大家係可以有進一步嘅發展嘅,但係後嚟對方又表示未想投入一段長久嘅親密關係住,而可能令你有被對方玩弄嘅感覺:lying_face:

對方嘅想法,我哋確實係無辦法改變,所以可以做嘅就係調整個人嘅想法同調節情緒。雖然好似好老土咁,但係時間的確係治癒我哋心靈嘅良藥:pill: 俾時間自己傷心、沉澱,往往比起催趕自己move on更有效幫助調節我哋嘅情緒:muscle:t2: 除咗獨處之外,同朋友見面傾下計,亦都係一個幫助我哋抒發同梳理情緒嘅方法,避免我哋長期獨處時容易鑽牛角尖:face_with_head_bandage:

另外亦都見到你提到呢件事影響到你對其他人嘅信任,明白對方嘅行為可能令你覺得好無安全感,對發展親密關係卻步:pensive: 唔緊要,唔需要逼自己改變,隨住時間同埋遇到合適嘅對象嘅時候,你會慢慢對建立關係重拾興趣:two_hearts:

多謝你嘅開解, 的而且確都冇啲乜嘢可以做
希望時間會沖淡一切啦 :pleading_face:
Thanks!

1個讚