事關沉晚打飛機
打算揭起包皮（未試過揭起因為會痛)
但揭起之後龜頭明顯感受到到夾住左同流透明液體
想問下有冇邊間地方可以平啲咁check下呢方面，如果真係要割包皮有冇啲唔痛嘅方法同埋有冇啲比較平又安心？（家計會哥啲
Hello~多謝你嘅提問
包皮嘅作用係保護龜頭，避免摩擦，同埋減少細菌接觸尿道口。正常嘅包皮可以上下移動，露出龜頭，俗稱「反包皮」。而當包皮過長／過緊，令龜頭無法露出，甚至日常活動中會同衣物造成摩擦，引起痛楚，咁就需要求醫啦！見到你話揭起包皮嘅時候會痛，同埋揭起之後龜頭明顯感受到到夾住左同流透明液體，好有可能係因為包皮過緊（可以參考下面嘅圖片），令陰莖為咗減少因磨擦產生嘅痛楚，分泌前列線液作潤滑，需要考慮進行割包皮手術。醫學上嚟講，冇「包皮過長」而只有包皮太緊太窄，稱之為包莖 (Phimosis)。包莖引起嘅常見問題係龜頭炎 (Balanitis) ，所以絕對唔可以唔處理。
呢度會建議你先去搵專科醫生做檢查。醫生可能會先處方類固醇藥膏畀你查喺包皮最前最窄的地方，幫助過緊的包皮鬆開。醫學文獻上有記載，呢種治療方法十分安全，唔會有系統性的副作用，但建議使用療程最長為8星期。如果用過非手術的治療方法後仍然未見成效，或是有復發性龜頭炎 (Recurrent Balanitis)、閉塞乾燥性龜頭炎 (Balanitis Xerotica Obliterans)、復發性尿道感染 (Recurrent Urinary Tract Infection) 等問題，醫生先會建議你進行包皮環切術 (俗稱「割包皮」)。
割包皮係將包在陰莖頭四周過緊的外皮，用外科手術割去，令龜頭顯露出來。呢項手術正式嘅醫學名稱係「包皮環割手術」（Circumcision），冇年齡限制，對身體和性生活都冇影響。而現時割包皮嘅手術總共有四種。詳細嘅手術原理、出血量、恢復時間等，可以參考以下嘅圖片。手術需要喺全身麻醉下進行。醫生會以手術方式將覆蓋在陰莖前端多餘的包皮切除及止血，並用可自溶的縫線縫合傷口。手術之後，反包皮就會容易好多，自慰會唔痛，而日常清潔都會更方便。
不過家計會係冇提供割包皮服務嘅，不過有提供健康普度查服務，詳情可參考以下網址：男性健康服務 - 香港家庭計劃指導會。
你都可以選擇去一般嘅家庭醫生或者政府門診接受檢查，真係有需要再決定喺邊度做手術同埋做邊種手術。不過唔同機構手術收費不一，最平就係睇政府門診，不過有機會需要排隊，等待時間較長。你都可以考慮去專科診所求診，但一定要確保其牌照嘅真確性，唔好因貪小便宜去冇保障嘅機構做手術。
希望以上嘅內容幫到你
