琴晚同男友戴套sex嘅時候，唔知係唔係佢用力得滯，個套穿左。。但係嗰下係第一下插入，一穿已經即刻拎返出黎，冇再插。同埋嗰下係入得唔深的，但好擔心會唔會咁樣有一下掂到陰部(可能有pre cum?)會有懷孕風險?求指教🥲
Hello～多謝你嘅提問！
睇翻你講嘅問題，首先你講進行性行為時安全套穿咗，有好大機會係唔正確咁使用安全套，或者唔啱嘅安全套尺寸。
可以睇我地以下嘅文章，內容有詳盡咁講述正確戴安全套嘅方式，同埋注意事項: Login • Instagram
可以睇我地以下嘅文章，內容有詳盡咁講述點樣量度同揀合適嘅安全套尺寸: Login • Instagram
另外，陰莖性興奮時通常會流出透明黏稠液體（尿道球腺液 Cowper’s fluid/pre-cum），當中有機會含有少量精子。咁睇翻你講喇，陰莖喺有帶安全套嘅情況下接觸到陰部，但插入嘅時候發現穿咗窿，咁所以尿道球腺液有機會接觸到陰部，仍然有機會導致懷孕。所以你可以同男朋友商量下，用驗孕棒檢測一下自己有冇懷孕。因為驗孕棒係透過檢測尿液中嘅人絨毛膜促性線激素（hCG）濃度去判斷有冇懷孕，而只有受精卵着床成功嘅女性身體先會分泌hCG，卵子受精著床嘅過程需要大概6－9日，所以通常最後一次性行為七日後會有個初步嘅結果，而11日後就會有一個準確啲嘅結果。
（Intern同學 Peter）
謝謝你
我會等7日後驗下 但係你地覺得高唔高風險🥲使唔使食事後丸？
但因為我本身經期就好唔準，唔想食完會影響到
Hello～多謝你嘅問題！
咁睇翻你講到嘅情況，其實意外懷孕嘅機會唔算高，所以你哋可以唔使咁擔心。如果想確保冇意外懷孕嘅機會，你哋可以喺7日後進行驗孕，咁就有初步嘅結果。
可以補充少少事後丸嘅資訊俾你，由於事後丸係唔可以喺同一個月經週期內服食多過一次嘅，係因為緊急避孕藥嘅副作用較大，所以都唔建議用作恆常嘅避孕措施。但事後丸並不致於造成不孕，但由於佢的確會擾亂往後的經期及排卵期，又有可能引發兩次月經之間的陰道出血。再加上唔同女性嘅體質差異，自然排卵的恢復時間會唔同。
另外，你都講到自己嘅經期唔係好準，食事前避孕藥作用係除咗可以避免意外懷孕嘅機會，仲可以改善經期唔準嘅情況，如果你有興趣都可以向家計會查詢詳情。
希望以上答覆可以幫到你喇！
（Intern同學 Peter）