我食咗yaz 差唔多2年幾，每隔一年停一至兩個月藥，次次m都準時第三粒白色嚟，好少唔準時食藥（就算遲食都係一個鐘頭內）。
6月嘅時候試過m少到得1日半就完咗，驚得滯有用萬寧隻驗孕棒驗，陰性。
7月嘅時候準時第三粒白色嚟，m有4日，血量正常。
但今次食完四粒白色都未嚟m，距離上次高風險性行為已經有7日，今朝同樣用萬寧隻驗孕棒驗晨尿，係陰性，依家已經停咗開新藥。
我想問下我會唔會有懷孕嘅機會？我需唔需要過幾日再驗多次？已經book咗醫生但未睇。
Hello~ 多謝你嘅提問
根據優越官方網站，如果你有正確地服用所有藥片，並冇嘔吐或嚴重肚瀉，而你並冇服用任何其他藥物，咁你懷孕的機會極為輕微，請繼續如常服用YAZ避孕藥。服用YAZ®優悅期間發生月經冇出現嘅情況，可能係因為藥物中嘅荷爾蒙成份令子官內膜的厚度稍為減少所致，係正常嘅。如果你仍然擔心，可以向醫生求診，安排作進一步檢查。
但如果你曾經不正確咁服用藥物，或者已正確咁服用藥片，但連續兩次月經沒有如期出現，咁就有機會懷孕。請立即聯絡醫生。直至確定冇懷孕之前唔好服用另一盒藥，並使用非激素嘅避孕措施。
詳細啲資訊可以參考以下網址：
建議你可以喺性行為之後嘅11日用驗孕棒驗多次孕。而喺性行為之後嘅14日，或者月經遲咗7日以上再驗孕嘅話，個結果就最準確啦！
希望以上嘅資訊幫到你