一個月內食左2次事後丸驚吾驚

本身m吾準
7月4號黎左m
7月25套穿左

7月26食左粒家計會事後
8月6又穿左當晚就執藥房買事後食

中間未黎m,同埋驗孕都冇事
想問食安立婷呢隻係咪多數一星期左右會黎m,
個app話下星期係排卵期,因為m吾準,都好驚咁岩撞正排卵,咁食事後都冇用⋯⋯咁我上月25號食左,照計係咪暫停排卵一個月? 謝謝解答。

Ps…用000/001真係要小心用,好易穿。

Hello​:smiling_face_with_three_hearts:多謝你嘅提問~

有關安立婷事後丸,佢係屬於單一荷爾蒙(黃體酮)型緊急避孕藥,你只需要係性行為發生72小時內盡快服用一粒就已經可以達到緊急避孕嘅功效。而事後丸嘅原理係用高劑量嘅荷爾蒙去抑制排卵或者干擾受精過程,所以有機會對身體會造成一啲副作用,例如頭痛、噁心、頭暈、疲倦、經痛、腹痛、背痛、乳房脹痛等,但呢啲副作用通常會24~48小時內消退。而且有人係服用後會令月經提早/延遲嚟,亦有機會影響影響,經期長度,經血量,分泌物等,不過一般都只會影響一至兩次經期。由於事後丸嘅主要作用係作為緊急避孕,所以係不能夠估計食完之後幾耐會嚟月經,而且佢嘅作用亦唔會暫停排卵。

而且見到你有提及性行為同排卵期相隔時間好近,擔心食咗事後丸都冇用。其實就算已經排卵,緊急避孕藥可以干擾卵子受精或者干擾受精卵著床。所以只要係醫生處方之下係指定時間內食咗藥,基本上都可以發揮到效用做到緊急避孕,唔需要擔心:wink:

至於一個月內食多過一次事後丸嘅問題,其實唔建議同一個月經週期內服食多過一次嘅,係因為緊急避孕藥嘅荷爾蒙劑量同埋副作用較大,所以都唔建議用作恆常嘅避孕措施。但事後丸並不致於造成不孕,但由於佢的確會擾亂往後的經期,又有可能引發兩次月經之間的陰道出血。再加上唔同女性嘅體質差異,自然排卵的恢復時間會有所影響,所以都建議你可以同伴侶商量吓使用其他安全措施,例如安全套,避孕針,避孕藥等:face_with_monocle:

另外見到你有提及兩次性行為嘅安全套都有穿窿嘅情況,除咗因為0.01安全套嘅材質(聚氨酯)嘅彈性冇咁高,冇足夠潤滑劑下會容易造成破裂之外,亦都有其他原因會導致安全套穿窿:

1.冇足夠潤滑劑:如果發現安全套冇足夠嘅潤滑劑,可以係性行為嘅時候額外配合潤滑劑使用,市面上嘅潤滑劑有唔同種類,而且唔係每一種都適合同安全套一齊使用,詳情可以睇返呢個post: Login • Instagram

2.安全套尺寸:好多人都會忽略呢個問題,但佢會好影響整個性行為過程。例如過緊嘅安全套會容易導致穿窿嘅情況,過鬆嘅安全套會令精液流入陰道嘅機會增加。至於點樣量度同揀合適嘅安全套尺寸,可以睇返呢個post:Login • Instagram

3.正確使用安全套:其中一個導致安全套穿窿嘅原因係帶安全套嘅時候,冇將安全套嘅前端(貯精囊)空氣擠出,導致射精嘅時候有機會令安全圖前端破裂。你可以睇我地以下嘅文章,內容有詳盡咁講述正確戴安全套嘅方式,同埋注意事項: Login • Instagram

最後最後提醒返你🧚🏻‍♀️事後丸喺香港屬於醫生處方藥物,見到你有提及第二次喺藥房買事後丸,由於未能確保藥房售出嘅事後丸藥效(e.g.有機會過期),所以都係建議經家計會/醫院醫生檢查身體後服食事後丸。

希望解答到你嘅問題:ok_woman:t2: