緊急事後避孕

你好,請問食緊急事後避孕丸會影響身體嗎?
會令到經期亂?身體會差左?

Hello~多謝你嘅提問!

多數人服用事後丸之後係會出現一啲副作用,例如:嘔心、頭暈、乳房脹痛、肚痛等,通常2-3日內會消退。至於經期方面,事後丸都有機會影響1-2次次嘅經期,令經期提早或者延遲幾日都係正常合理嘅,有時經血量、經血質地、流血日數、經痛程度都可能會有變化。如果只係作一次性嘅緊急避孕藥,對身體或者以後懷孕都冇影響,而且喺香港事後藥係處方藥物,要睇醫生先食藥,醫生會評估你嘅身體情況係咪適合服用。但係始終事後丸含有高劑量嘅荷爾蒙,所以都唔建議作為恆常嘅避孕方法。例如通常建議同一個月經週期內唔好食超過一次,唔好連續兩個月經週期內都服用。

(Intern同學 Nicole)