有機會中嗎?

有食開事前既(21粒),食左一個月左右。
係食緊第2包既第4粒果時 ,發生不安全性行為(內射)。會有機會中嗎?
日日都準時食事前既
Thanks

唔會

Hello~多謝你嘅提問!

見你都有提到上一個月有食過事前避孕藥,今個月食緊第二包,如果你所有嘅藥丸都有準時服用嘅話,身體應該建立咗穩定嘅避孕藥效,其實懷孕嘅風險都好低。

呢度到同你普及下避孕藥嘅原理,避其實孕藥係通過人造荷爾蒙去抑制排卵,改變子宮頸黏液嘅粘稠度,同埋改變子宮內膜環境,從而達致避孕嘅功效。

另外都提一提你,避孕藥唔可以好似安全套咁樣降低患上性病嘅機率或其他感染風險,所以都建議你可以選擇適合自己嘅避孕措施,咁樣可以保障到自己,亦都保障到你嘅伴侶。

(Intern同學 Nicole)