避孕丸控制m期

食緊yaz本身食到13號 14號開始食白色無藥性丸仔
正常食到17號 18號開新藥
食最後一粒白色丸就黎m m會黎5日
但係20號有水上活動 所以想早啲黎m
假設我食少左避孕丸等快啲黎
下一排應該係幾時食?照番18號食?
定係要點計🥲

Hello~多謝你嘅發問

咁見你20號有水上活動,所以如果想延遲經期嘅來臨,應該係食哂有藥性嘅藥丸之後即刻開下一盒食,唔食中間個啲無藥性藥丸令個停藥期冇左,但有機會係下一次黎經期前會有流啡或者有點狀出血嘅情況,因為延遲左經期係會有機會出現呢啲情況。但都建議翻你向同你配開避孕藥嘅醫生諮詢翻意見,因為今次都係個特別情況,而每個人嘅體質,服用情況都唔同,同你配開避孕藥嘅醫生都係最清楚你身體情況個個,所以都建議你去問下醫生嘅意見。

謝謝回覆!
如果想17前黎係咪食少幾粒?正路食到14 如果我食到12
咁應該幾時食白色藥丸?
都係4日後?
謝謝🥲

1個讚

Hello~多謝你嘅發問

首先,你問如果想17號之前嚟有冇得提早嘅,其實係只可以延遲嘅:see_no_evil: 首先我哋唔建議你提早停藥,因為有機會增加左意外懷孕嘅風險,同埋停藥之前我哋都會建議你要去問返醫生嘅建議,因為一方面有機會影響到身體嘅荷爾蒙,另一方面如果你之後再食返避孕藥嘅話,有機會會影響佢嘅藥效。

另外,即使提早咗停藥其實都唔一定會提前嚟M,因為食避孕藥嘅時候係有人造荷爾蒙幫助我哋調節經期,但停藥之後係需要一啲時間比身體去適應,再自我調節返嘅,所以即使即時停藥都唔一定會即時嚟M,所以係唔可以保證17號之前嚟經嘅,所以我哋上一個回覆先建議你可以延遲你嘅經期:see_no_evil:,希望咁樣可以解答到你嘅問題,咁你仲有問題嘅話可以再問我地:wink:

(Intern同學 Yee)

好啊明白!
請問如果延遲經期,食完舊嘅藥再即刻開新一排,之後幾時係咪隔4日再繼續食?
謝謝

Hello~多謝你嘅發問

見到你都有問關於如果想延遲經期嘅話,食完舊嘅藥係咪應該即刻開排新嘅藥,應該一直食藥到你停藥為止,無需要提早食冇藥性嘅藥丸。一般我哋會建議食晒新嗰一盒藥,先再去食冇藥性嘅藥丸,因為中途停藥會增加左意外懷孕嘅風險,都有機會會擾亂左本身嘅月經周期,不過都建議你去搵醫生查詢一下,睇吓醫生就你而家嘅狀況有啲咩建議,因為唔同體質嘅人食唔同牌子嘅避孕藥都有機會有唔同嘅反應,所以都係建議你問吓專業人士嘅意見,你希望我以上嘅回答可以解答到你嘅問題,如果你再有疑問嘅話都可以再留言。:relieved:

(Intern同學 Yee)