隔兩個星期又來m

唔知點解咁快又來m,前幾個月一段時間叫準,最多早遲五日左右

上個月19號係來m第一日,大約來左6日,量正常
但今個月9號見到少少血同埋個胸有啲漲痛,第二日就見到來m,可能來既量比較少,無谷住谷住,無點腹痛,以前來既話會有

究竟係叫做正常,定要留意下之後個期點再睇醫生?
因為9號之前一個星期飲密左涼茶(鴻福堂一支支個啲)同豆漿,唔知關唔關事
自己就放緊假,心情無話好緊張,又無捱通宵同失眠
屋企人話如果下次來m時間短,就要睇醫生check下
所以擔心自己係咪子宮有問題🥲

同埋上月19號來完之後,天氣熱食多左刨冰雪糕,唔知都關唔關事。
本身自己手腳冰涼,雖然未睇過中醫,但似係寒底,唔知咁樣有無關係

Hello~多謝你嘅發問

首先,都要同你解釋返,其實月經嘅出現並冇一個特定嘅時間,因為月經本身就可以比好多唔同因素影響到,例如:荷爾蒙失調、生活習慣、飲食習慣、情緒波動、生病、服用藥物等,甚至有時一啲我哋冇留意到嘅事件,都有機會係影響到月經出現變化嘅原因。所以並唔係每個月嘅月經都係準時嚟先叫正常。

另外,都想問吓你最近有冇服用事後避孕藥?因為事後丸含有高劑量荷爾蒙,有機會令下次嘅月經提早/延遲。所以如果你因為服用過事後丸而令到你嘅月經提早,都屬於正常情況,可以唔洗過於擔心。

都見到月經提早令你覺得擔心,都不妨去搵醫生做一個詳細嘅檢查。即使最後結果係冇事,都可以令自己覺得安心啲!你亦可以考慮去家計會嘅診所或者搵其他婦科專科醫生做檢查。如果月經出現嘅時間令你覺得困擾,你都可以考慮吓需唔需要叫醫生就住你嘅身體情況去比一啲事前避孕藥,幫你調理好你嘅生理周期。希望以上嘅回覆可以幫到你~

(Intern同學 Nicole)

無食避孕藥,期間亦無任何性生活
之前經期都無突然咁早就來,所以比較擔心:see_no_evil:

見到你提及嘅情況,可能飲食習慣嘅轉變令到月經提早嚟。可以觀察多幾日,如果月經仲未嚟再加上身體有其他不適嘅話就盡快去睇醫生啦:sneezing_face::sneezing_face: