一直都有用開app紀錄自己既黎m情況，睇翻record由上年6月到依加，每個月既週期長度都唔同，個range 係30日至45日不等。
我7月2至7月7黎m，7月23有同男朋友sex，sex之前有一齊沖涼，但男朋友有戴condom，事後都有裝水唔覺有穿，都應該安全…
(題外話: 每次幫男朋友口交/打飛機既時候都唔覺有前列腺液既出現，所以一齊沖涼唔小心hi到佢都應該安全？
)
照App寫正常8月3黎m，7月31到8月6 我都有種覺得就黎黎m既感覺，開始feel到頭痛腰痛腳痛咁樣…8月6同8月13我同男朋友都有sex，都係一齊沖涼，有戴condom，呢2次事後冇裝水睇，但都有check過應該係冇穿既…
8月12朝早起身用clearblue驗過係陰性，懷孕既機率其實係咪好低？如果仲係keep住未黎m，我應該要每3日check一次？
如果都係仲未黎，洗唔洗睇下醫生？
Sorry for 1999希望你地明我講咩啦
Hello～多謝你嘅發問
首先見到你同你嘅伴侶係性行為個陣都有戴安全套，而且都有去檢查安全套有冇穿，所以懷孕嘅風險都比較低。
而男性係性興奮嘅時候都會分泌尿道球腺液，當中含有少量精子。但如果你地一齊沖涼個陣時就算掂到但冇接觸你嘅陰部嘅話，咁都係安全嘅。再加上精子需要精液嘅保護先可以生存到，而精液一旦接觸到空氣/衣物/水，佢嘅存活率就會下降亦都好快死亡。
都睇得出你因為月經仲未黎所以擔心會懷孕，但其實月經仲未黎除左可能係懷孕之外，亦都會受到其他因素影響嘅，例如飲食，休息，壓力，生病，藥物或者荷爾蒙分泌，都有機會會遲左少少黎，亦都有機會因為你呢個月嘅作息時間同飲食唔平衡，都可能會令到月經遲咗。
有關驗孕嘅問題，因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。如果仲係好擔心同埋未黎月經嘅話，都建議你去睇醫生了解你嘅身體狀況。
(Intern同學 tommy)
今朝用曼秀雷敦都驗過一次，都係陰性…但依然都係未黎m