避孕藥停藥一問

想問下如果食21日果款,停藥果7日咪避孕效果?
停完7日,第8日再開新既,咁黎頭7日係咪都要加保險套?
停藥7日+新7日,算唔算係危險期?

Hello~多謝你嘅發問

首先想了解下你服用避孕藥嘅時候有冇漏食、嘔吐、嚴重肚痾等嘅症狀,如果冇呢啲症狀,而且每日有準時食藥,即使係停藥期間發生無套性行為,懷孕嘅風險都好低,。如果你已經服用左避孕藥有一段嘅時間,你身體已經建立左穩定嘅避孕功效,而且冇漏食同埋冇以上嘅症狀嘅話,即使係停藥嗰7日,定開新一包嘅頭7日,懷孕嘅風險都好微。

呢度到同你普及下避孕藥嘅原理,避其實孕藥係通過人造荷爾蒙去抑制排卵,改變子宮頸黏液嘅粘稠度,同埋改變子宮內膜環境,從而達致避孕嘅功效。喺服藥期間,唔會排卵,所以亦唔會有所謂嘅「危險期」。

另外都提一提你,除咗無性接觸之外,冇一種避孕措施嘅成功率係100%,而且避孕藥唔可以好似安全套咁樣降性病傳播嘅風險或其他感染風險(例如念珠菌感染、尿道炎等),所以都建議你可以選擇適合自己嘅安全措施,咁樣可以保障到自己,亦都保障到你嘅伴侶。

(Intern同學 Nicole)