講一講個背景先
我同男朋友相處得唔錯
好多姿勢都試過
性生活都算好融洽
但我哋都覺得sex唔一定係好似交功課咁 所以我哋會一齊試好多唔同嘅方法去取悅大家
最近開始試口交 佢話射後吸直頭好似吸埋佢靈魂出嚟咁
handjob亦都有
我哋試過edging 見著佢最後好滿足咁釋放晒出嚟 我都好開心
佢本身係比較敏感 但佢真係好愛我 所以佢都連龜頭責都願意試 正常射完之後會更加敏感 但我都繼續刺激佢 從佢個反應都睇得出真係好high 佢仲話想下次再試過
我想同男朋友試啲新嘢 explore更多唔同嘅體驗 佢亦都同意
我想問下ruined orgasm實際上應該要點做？
我應該點樣運用我自己對手？
同埋如果我唔喺佢身邊嗰陣 佢自慰又做唔做到
Thank you
hello 多謝你信任我哋同我哋分享～ 
亦都好欣賞你同伴侶不斷探索同埋嘗試唔同嘅性喜好。 
ruined orgasm其實就係好似字面咁「被毀的高潮」，佢冇一個好標準嘅做法嘅，冇話點樣先啱。佢嘅本意就係唔可以達致一個「完整」嘅高潮。可以係就嚟高潮嘅時候停止部分／所有刺激（例如：如果你哋發生插入式性行為，如果你想體驗ruined orgasm，可以同伴侶約定一個小動作表示你覺得就要高潮或者已經開始感受到高潮，eg用食指拇指捉住佢手臂，對方就即刻抽出，停止插入陰道嘅行為。類似嘅，你都可以俾伴侶去體驗。 ），或者就嚟高潮嘅時候反而放慢放輕啲動作，又或者就嚟高潮嘅時候講／做一啲「掃興」嘅嘢，令到個高潮唔會好似平時咁，有好強烈嘅刺激。不過呢種行為對於某啲人嚟講可能都帶嚟好多歡愉嘅感覺。
所以無論係伴侶自己一個，定係你同佢一齊，都係可以做到嘅。你哋可以慢慢摸索最適合你哋嘅做法～ 
不過喺探索同嘗試嘅過程，記得要有足夠嘅溝通，同埋一定有共識！唔一定每一次嘅嘗試都會帶嚟同樣嘅刺激或者歡愉，你哋可以傾好大家嘅期望，同埋就算未必達到期望嘅樣，過程你哋enjoy，就係一個好好嘅經歷！ 