包皮撕裂傷如何護理

女友幫我手淫個時太大力 向下拉個時包皮出現撕裂傷
我係咪保持返下體清潔 唔洗睇醫生搽藥膏 等佢自然好就得?

傷口只係一條線咁

Hello~多謝你嘅發問!
都建議你保持翻陰莖嘅清潔同保持乾爽,其實你嘅包皮會出現撕裂傷有機會係因為你女朋友幫你手淫個陣潤滑度唔足夠,所以建議你係下次性行為之前用潤滑劑避免有呢個情況出現。同埋如果你之前比較少反包皮嘅話,都建議你慢慢咁反下包皮,唔好一反就太大力咁反或者一反就反到底,都好容易會造成疼痛。都提提你,如果疼痛加劇嘅話,唔好自己塗藥膏,因為可能會有敏感,建議要去睇醫生去了解翻陰莖嘅情況,對症下藥。

(Intern同學 tommy)