遲左11日都未黎M

你好 本人一直經期都幾準確的(最多遲5-6日左右),但今個月遲左11日都未黎m. 對上一次黎係7月7號。 係7月23日有同男朋友做過 ,有用安全套(確認過冇穿的),不過在原本經期內(8 月4-8日) 陰部好痕,證狀持續了一星期左右,期間有少少血絲流出同有淺黃地色分泌物流出。想問係咪好大機會懷孕了?本人一直都keep在小腹漲,同有陰陰地痛及生暗瘡。謝謝:pray:

Hello~多謝你嘅提問:heartpulse:明白經期遲嚟係會令人好焦慮嘅。不過可以放心,你懷孕嘅機率係好低嘅~因為如果你有正確使用安全套,做完性行為後亦有灌水檢查,咁可以確定有成功避孕嘅,唔需要擔心。

至於月經延遲嘅原因有好多,體重過輕,壓力大,生活唔規律…都會導致月經遲嚟。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你去催經。現階段可以再等下先,如果真係好擔心,可以喺月經遲嚟7日嘅時候驗孕,嗰陣時嘅結果就最準確~不過你都唔需要太擔心嘅,因腹脹,生暗瘡等等都係嚟月經前常見嘅徵兆,代表身體嘅荷爾蒙分泌有變化,所以好大機會就快嚟m。

而你話陰部有痕嘅感覺,同埋有血絲,黃色嘅分泌物,除咗可能係排卵期出血之外,亦有可能係因為念珠菌感染,導致尿道炎/陰道炎。暫時嚟講,分泌物冇任何異味,亦冇咩唔舒服感覺,就應該唔會係炎症,唔需要太擔心嘅。但如果你之後性交嘅時候覺得痛,或者陰道壁痕癢,有灼燒感,或者分泌物有魚腥味,咁就有感染嘅風險,需要去睇醫生啦!

謝謝你既解答!我想問如果驗孕係咪驗晨尿先係比較準確? 機會唔大但求個安心 :pleading_face:

驗印可以喺最後一次性行為之後7-11日內進行,喺14日之後驗個結果就最準確。通常都會建議返驗晨尿,因為最容易同埋最快見到結果,但係其他時間驗都可以:relieved: