初小學生自慰討論

我係網上睇到網民係小學時候有自慰的習慣,更有人係未踏入青春期時候成功射精,這對身體發育帶來什麼影響,可以討論吓

應該不大可能在未踏入青春期時,便有射精現象,因為睪丸還未發育成熟,能夠生精,且前列腺和精囊等腺體仍未發育到能夠分泌前列腺液和精囊液。佢能夠射精應該已到了青春期了。

自慰若適可而止,應該對生理和心理不會構成影響,反而可以舒解和釋放過量的性壓力。不過,不建議坊間一些奇怪的自慰方法,學了會傷身,造成炎症。我小六開始便有自慰的習慣,是偶然發現的,不見得對身心有什麼影響。

Hello~多謝你嘅發問!

見你都有講關於你之前喺網上面見到,啲網民分享自己喺小學時間有佢嘅習慣,甚至有啲人係未踏入青春期嘅時候成功射精,你想探討一下呢個對身體發育會有啲咩影響,其實目前都冇一個特別明確嘅研究自慰會影響身體生育發育,外國亦有研究數據指出自慰同身高無直接關係,反之遺傳、運動、飲食等等嘅因素對身高嘅影響較大。

就你呢一個問題其實係中西醫都有唔同嘅睇法,西醫覺得自慰同身體發育係冇一個直接嘅關係嘅,要適當唔好過量就可以,亦都對身體冇咩特別大嘅影響。

而有部份中醫嘅角度就覺得自慰係傷腎既,腎同骨係有關連嘅,所以有機會影響到發育同身高速度,有啲坊間嘅講法自慰後睾丸素會下降,有機會會影響到身高嘅發展,但其實自慰射精後睾丸素下降幅度都唔大,影響唔大。其實不論年齡,自慰本身係無問題嘅,只要唔好影響到正常生活就無問題。

希望以上既內容可以幫到你,如果你再有其他問題都可以提出,又或者再次留言。

(Intern同學 Yee)

多謝Tompeter分享,有部分人係十歲之後開始自慰,係正常的,亦果有部分人係初小學生跟咗青少年開始頻密自慰,會否令身體發出錯誤訊息並提早刺激睪丸提早發育,將青春期提早開始。

Hello~有關性荷爾蒙與生長嘅關連,學者做咗好多研究。綜合相關醫學報告嘅說明如下:來自美國嘅醫生Mauras(刊登於著名期刊Horm.Res 1996,)認為青春期嘅荷爾蒙同瀑布一樣,一層一層連動,其源頭喺腦部下視丘。首先性腺激素釋放荷爾蒙(GnRH)脈衝增加,帶動性腺激素(FSH.LH)增加,於是性荷爾蒙增高,令生長激素(GH)增加。生長激素到肝臟轉化為生長因子(IGF-1)提升,作用到骨骼生長板,所以骨頭變長,身高竄升。

而男性與女性荷爾蒙對生長嘅影響不同,造成男女孩到了青春期,身體發育開始分道揚鑣。肌肉、脂肪、骨骼發展相異,最終造成生理性別為男性嘅人較高,女性較矮嘅結果。先前提到,青春期發動,生長激素同性荷爾蒙都會增加,兩者都能夠促進生長。但性荷爾蒙,除了生長仲有其他作用。女性荷爾蒙會催熟生長板,不論男女都有女性荷爾蒙,當然女性更多,所以女性生長板會比男性提早大約兩年關閉,因此最終成年身高,女比男平均少10cm。男性荷爾蒙能夠增加蛋白質合成,不論男女也都有男性荷爾蒙,當然男性更多,肌肉就是蛋白質構成,所以青春期開始,男性比女性肌肉發達。男性荷爾蒙亦能增進骨質、鈣嘅吸收同沉積,所以男性一般比女性更高大更強壯。不過,生長激素同性荷爾蒙要同時增加先代表進入青春期,單靠自慰產生嘅性荷爾蒙係唔能夠促進生長嘅。

當然,有另一篇探討性荷爾蒙與生長激素相互作用嘅論(刊登於北美內分泌與代謝門診專輯(Endocrinol Metab Cli N Am,2007))就證明咗青春期生長激素會同性荷爾蒙同步。如果腦垂腺功能低下,生長激素不足,性荷爾蒙也會減少。至於性早熟的孩子,生長激素亦可能隨著性荷爾蒙提早出現而增加。所以如果喺初小就過度自慰,的確有機會提早進入青春期。

雖然自慰會改變睪固酮嘅濃度,不過喺過程中先上升後下降。進行自慰時,體內睪固酮的濃度會提高,並且在射精後下降,回歸正常水平,所以睪固酮並不會因自慰產生長久性的上升或下降,對發育嘅影響不大。即使提早進入青春期,都唔會早太多。青春期一般喺指12歲至20歲之間。但女性進入青春期嘅時間通常早過男性。根據研究,女性一般喺8至12歲就會進入青春期,而男孩就會喺9至12歲進入青春期。所以唔一定要等到12歲身體先會開始發育,冇自慰習慣都唔一定代表身體會遲啲先進入青春期。好似上面嘅同事所講,遺傳、飲食、睡眠因素係更大嘅變數🫶🏻

1個讚